MESA DE NEGOCIACION DIA 28 FEBREIRO 2008

NOTA INFORMATIVA DA PLATAFORMA SINDICAL UNITARIA da reunión do pasado 28 de febreiro:

CSI-CSIF, CCOO, UGT, CIG, E USO

MASA SALARIAL - PRODUTIVIDADE

A presión e a unidade de todos os sindicatos conseguiu que a consellería, finalmente, aceptase a nosa proposta de que o pagamento dos 20 euros mensuais de produtividade se efectúe de xeito lineal e universal, tal e como viña recollido no acordo asinado polos sindicatos no ano 2006.

A devandita cantidade, que ten efectos retroactivos de 01/01/2008, comezarase a pagar na nómina do mes de abril.

SUBSTITUCIÓNS E ATRIBUCIÓNS

Tras máis dun ano de presión sindical, a consellería aceptou tamén regular as substitucións e atribucións.

Substitucións: No acordo recóllense aspectos moi positivos:

• Cobramento do 100% das retribucións correspondentes ao corpo que se substitúe.

• As substitucións realizaranse en permisos, licenzas, comisións de servizo, excedencia, situación de liberación sindical e servizos especiais.
• O pagamento das substitucións terá efectos retroactivos dende o 01/01/2008.
• Por proposta dos sindicatos, a consellería aceptou que as substitucións poidan realizarse por todos os compañeiros, sen que exista ningún tipo de distinción entre funcionarios de Corpo ou Escala (D.T. 4ª LOPX).
• Retribución de tramitación a xestión: 231,68 € (soldo) + 45,09 € (complementarias).
• Retribución de auxilio a tramitación: 115,84 € (soldo) + 63,58 € (complementarias).

Atribucións: Regúlanse a través dun sistema de quendas de dispoñibilidade permanente, voluntaria e retribuída durante períodos de 15 días. Por participar nestas quendas percibirase a cantidade de 100 euros por cada 15 días.

APERTURA DALGÚNS REXISTROS CIVÍS POLA TARDE

• Afectará aos Rexistros Civís de Ferrol, Santiago, Lugo, Ourense e Pontevedra, nos que as quendas estarán formadas por 2 funcionarios, e Vigo e A Coruña, onde o servizo se prestará por 3 funcionarios. A proposta inicial da consellería era de 1 e 2 funcionarios, respectivamente.
• Os funcionarios destinados nos xulgados con funcións de Rexistro Civil ou nos Rexistros Civís Exclusivos terán preferencia absoluta para formar parte das quendas.
• Este servizo, que é voluntario, retribuirase con 48 € por cada día de luns a venres e 80 € polo sábado.
• As funcións a realizar serán, exclusivamente, a recollida de solicitudes ou documentación, entrega de documentación preparada, información e atención o cidadán.

PLATAFORMA SINDICAL UNITARIA

Sindicatos e consellería consensuamos un calendario de negociación da Plataforma Sindical Unitaria, na perspectiva de pechar os acordos antes do verán. Da devandita negociación, continuarémosvos informando.

Se queres ver o documento completo cliquer en nota informativa