CADROS DE PERSOAL DOS XULGADOS DE NOVA CREACION

En canto aos cadros de persoal prantexados pola Consellería para os Xulgados de Nova creación para A Coruña, Santiago de Compostela, Pontevedra e Ourense,a CIG formulou as seguintes alegacións: estes Xulgados deben levar aparellado, obrigatoriamente, a creación nos decanatos e nos SCNE daquelas prazas que orzamentariamente sexan equivalentes, alo menos, aos catro funcionarios do corpo de auxilio que deixan de formar parte dos cadros de persoal dos indicados órganos, entendendo que nestas poboacións, ao existir servizos comúns, cando se aumenta o número de órganos xudiciais alíviase a carga de traballo destes pero auméntase o volume de traballo daqueles. Esta situación de saturacion dos servizos comúns comprobase moi claramente en Ourense, onde o citado servizo atende a tódolos órdes xurisdiccionais cando en principio so debería atender, como moito, a primeira instancia e instrucción. A situación dos servizos comúns é moi dispar ao longo de toda a nosa xeografía, pois non hai ningunha niformidade no traballo que desempeñan nin nos cadros de persoal que, en moitos casos, non estan na actualidade deseñados para absorver a carga de traballo que se lles remite, pois a administración, dende a súa creación, foi incapaz de actualizar os mesmos a pesares de seguir creando órganos xudiciais unipersoais nas citadas poboacións. Se a todo isto engadimos que carecen dunha aplicación informática propia e adaptada as súas necesidades pois xa temos un novo embudo na adminitración de xustiza. Polo tanto urxe entrar na configuracion e deseño das RPT's destes órganos (que debe levar aparellado un aumento dos cadros de persoal) aproveitando a negociación que se vai a abrir con respecto a Decanatos, Fiscalías, Menores e Imelga.Con respecto ao xulgados da Estrada, ao nº 1 debe aumentarselle un xestor por ser o encargado do Rexistro Civil, co que quedaría cun cadro de persoal de 3-2-2 e, o nº 2, debe ter un cadro de persoal de 2-2-2 pois ao ser un xulgado mixto debe alo menos dous funcionarios por corpo polo que a proposta da administración dun so auxilo non é asumible.En relación co xulgado do contencioso nº 2 de Lugo o seu cadro de persoal debe ser idéntico ao do nº 1 xa existente, é dicir, 2 xestores, 4 tramitadores e 1 auxilio.

Os cadros de persoal propostos pola Xunta son:

Xulgado	Localidade	Xest.	Tram.	Aux.
1ª Instancia nº 12	A Coruña	3	4	1
1ª Instancia nº 6	Santiago	2	4	1
1ª Instancia nº 5	Pontevedra	2	4	1
1ª Instancia nº 6	Ourense	2	4	1
Mixto nº 2	A Estrada	2	2	1
Contencioso nº 2	Lugo	2	3	1