CIG - Sector de Xustiza: CONVÓCANSE AS PROBAS DE 2012 PARA OBTENCIÓN DOS CELGA 1-2-3 e 4

SAUDO DO SECRETARIO NACIONAL DO SECTOR DE XUSTIZA

Prezados/as compañeiras e compañeiros, estades a ver o Blog do Sector de Xustiza da Confederación Intersindical Galega (CIG), que queremos sexa o órgano de expresión do noso sector. Pretendemos que esta publicación se actualice diariamente, coas novas que afecten as traballadoras e traballadores da Administración de Xustiza poñendo o enfasis naquelas de maior importancia. Esperamos así mesmo que nos remitades os comentarios que desexedes no apartado correspondente deste blog ou tamén a medio do noso correo electrónico: xustiza@cigadmon.org

Na espera que este Blog sexa util para todas e todos, recibide un saúdo.

O SECRETARIO NACIONAL DO
SECTOR DE XUSTIZA DA CIG.
Xosé Barreiro Pérez

viernes 20 de enero de 2012

CONVÓCANSE AS PROBAS DE 2012 PARA OBTENCIÓN DOS CELGA 1-2-3 e 4

No DOG do 17 de xaneiro de 2012, a Secretaría Xeral de Política Lingüística (SXPL) publica a resolución pola que se convocan as probas para a obtención dos certificados de lingua galega (Celga), nos niveis 1, 2, 3 e 4. As persoas destinatarias destas probas son as maiores de 16 anos ou que cumpran esta idade antes da fin do ano 2012.

O prazo de inscrición comeza o 18 de xaneiro e remata o 3 de abril de 2012, e as taxas por dereito de exame son 15,61 euros.
As probas deste ano 2012 desenvolveranse no mes de xuño, tanto en diversas cidades de Galicia coma en Barcelona, Madrid e Ponferrada. As datas concretas para cada nivel son as seguintes:

Celga 4: 2 de xuño de 2012
Celga 2: 3 de xuño de 2012
Celga 3: 9 de xuño de 2012
Celga 1: 10 de xuño de 2012

Máis información na convocatoria completa e na páxina sobre os Celga da SXPL.