Hoxe, día 16 de febreiro, realizáronse concen-tracións en determinados servizos públicos de Galiza, a fin de que todas as traballadoras/es da función pública galega mostraran o seu descontento contra as medidas impostas pola Xunta do PP e o Sr. Feijoo. Estas mobilizacións deben ser só o inicio das nosas reivindicacións en defensa dos servizos públicos e das condicións laborais dos nosos postos de traballo, xa que este ataque contra nós acabará afectado a atención que se debe prestar ao cidadan para intentar deste xeito privatizar determinados servizos e retiralos da órbita do público. Non podemos consentir que isto suceda polo que reiteramos o noso pedimento as traballadoras e traballadores públicos para que apoien todas as medidas de presión que se van a acordar para deixar constancia do rexeitamento a todos estes recortes. Agradecemos a todas/os os que participáchedes nas concentracións e especialmente ao persoal funcionario e laboral de xustiza.
As/os delegadas/os da CIG Xustiza estiveron esta mañá na concentración convocada diante do Ministerio en Madrid apoiando as mobilizacións que se están a levar a cabo solicitando a paralización da tramitación da LOEO, unha regulación máis detallada das funcións dos distintos corpos así como un aumento salarial acorde a esas funcións.
Comentarios
Publicar un comentario