17 DE MAIO - DÍA DAS LETRAS GALEGAS

PARTICIPA NAS MOBILIZACIÓNS!

17 de maio,Queremos Galego! Un paso adiante, e outro ADIANTE, Galiza! Defendamos o noso idioma.

O vindeiro sábado 17 de maio, a Plataforma Queremos Galego, da que a CIG forma parte, convídanos a multiplicar por 8 a defensa da nosa lingua, participando nalgunha das 8 mobilizacións que en toda Galiza convoca a Plataforma (A Coruña, Ferrol, Santiago, Pontevedra, Vigo, Ourense, Lugo e Foz).

A CIG, como parte integrante da Plataforma Queremos Galego!, anímate, como vén facendo combativamente desde sempre, a defenderte das agresións, tamén das agresións á nosa lingua. Pois, como di o texto do manifesto elaborado por Marica Campo para esta ocasión: “non só non contamos coa protección institucional, senón que temos que gastar o tempo a defendérmonos das ilegalidades que os poderes públicos perpetúan contra o galego”.
Ao longo do país, o vindeiro sábado 17 de maio ás 12h, celebraranse actos nos seguintes lugares:

 

A Coruña: A carón do Teatro Rosalia de Castro (confluencia das rúas Real e Rego de Auga) 
Ferrol: Praza de Armas. 

Santiago: Porta Faxeira.

Pontevedra: Praza da Peregrina. 

Vigo: Manifestación con saída de Vía Norte. 

Ourense: Alameda (diante da estatua de Eduardo Blanco Amor). 

Lugo: Xardíns de San Roque (diante da estatua de Xoán Montes).

Foz: Praza do Conde de Fontao.

Manifesto