PRIMEIRA SENTENZA FAVORABLE DA PAGA EXTRA DE 2012

Xa están empezando a sair na nosa comunidade autónoma as primeiras sentenzas que recoñecen o pagamento íntegro da paga extra que nos foi retirada indebidamente no ano 2012. Aínda non sendo esta unha sentenza acadada pola CIG, é o certo que a nosa central sindical ten iniciados e mantén abertos os procedementos en todos os partidos xudiciais da xurisdicción Contencioso-Administrativa de Galiza, incluido no que agora xa se obtivo un resultado positivo,  e nos que agardamos tamén sentenzas favorables. Non obstante o anterior, e moi probable que a administración autonómica non se aquiete a ditas resolucións e interpoña recurso extraordinario en interese de lei contra as mesmas, a medida que vaian saíndo, polo que a execución das sentenzas e da súa extensión de efectos vai tardar algún tempo máis.
Aclarar tamén que para pedir no seu día a extensión de efectos, haberá que facelo por medio de avogado en exercicio, polo que como é  lóxico cada compañeiro que queira facer a súa petición (se e que a administración non o fai xa de oficio ante a cantidade de sentenzas favorables que recaian ou segundo o que decida o Tribunal Supremo no hipotético recurso extraordinario que, no seu caso, resolva) terá que contratar os servizos dun letrado que asine a petición ou ben estar afiliado a un sindicato que teña asesoría xurídica que lle preste dita cobertura. Por suposto, para pedir a extensión de efectos dunha sentenza non é requisito estar afiliado...simplemente é que para ter dereito a asesoría xurídica dun sindicato si fai falla estar afiliado ao mesmo.