Segundo a interpretación que realiza a administración do Art. 507.2 da LOPX, as traballadoras/es de xustiza que opten por unha praza de libre designación quedarán na situación de servizo activo, sen reserva do posto de traballo que viñan desempeñando ata ese momento.
O reingreso, tras o cese ou a renuncia a unha praza de libre designación, levarase a cabo segundo o previsto no Art. 62 do regulamento de provisión de postos, adscribíndose provisionalmente ao funcionario a unha praza do mesmo municipio que, segundo a interpretación da administración, é o municipio onde acaba de cesar no posto de libre designación. Así mesmo, gozarán de DEREITO PREFERENTE, no primeiro concurso de traslados que se convoque desde o seu cesamento, para ocupar praza na mesma localidade na que servían, e dicir, na localidade onde acaban de cesar ou renunciar á praza de libre designación.
Con todo isto queremos dicir que, se a algunha compañeira/o de xustiza, sen ningunha antigüidade, lle adxudicaran, por exemplo, unha praza de libre designación en Ourense, no momento do seu cesamento ou renuncia non só sería reingresado provisionalmente en Ourense, se non que gozaría de dereito preferente, no primeiro concurso que se convoque, para obter praza definitiva nesa vila. Ao xestores que substitúen a secretarios, en cambio, adscríbenos provisionalmente e segundo o Art. 70 do regulamento lle dan preferencia na localidade onde tiñan o seu destino como xestores antes de ser nomeados substitutos e, sen embargo nunha libre designación (que son prazas dadas a dedo) gozan de preferencia na localidade na que obteñen ese posto de libre designación.
Comentarios
Publicar un comentario