viernes, 14 de julio de 2017

MESA SECTORIAL GALIZA - "HABEMUS MESA"


Pese a que varias organizacións sindicais pediron reiteradamente a suspensión da mesa sectorial de onte para adiala ata setembro (se cadra porque algún xa estaba de vacacións) a negativa da CIG fixo que finalmente se puidese celebrar non só a mesa sectorial senón unha mesa técnica específica de interinos. Se alguén non estaba dacordo con que se celebrase, tamén se podería ter levantado da mesa, pero non o fixo ninguén; IGUAL NON SOMOS TAN VALENTES NA MESA COMO NAS NOTAS.

Non sabemos dende cando a CIG ten tanto poder na DX (ou será que é máis razonable que algúns outros) pero o certo é que grazas a que onte non se supendeu a mesa:

a)      conseguimos.
-           Que se aprobase a creación de catro novas prazas de forenses no IMELGA


b)      sabemos:
-          Que  na nova bolsa de persoal interino se valorará a antigüidade dende 1992
-          Que se está a negociar con Facenda a creación de novas prazas e que estas serán en dúas quendas.
-          Que se vai a reverter a amortización dunha das dúas prazas de tramitación nas seccións penais das Audiencias Provinciais.
-          Que se elaborará unha orde para a expedición dunha tarxeta identificativa con código alfanumérico e sen nome para o persoal que sae á rúa
c)      pedimos:
-          que se convoquen máis mesas sectoriais e se elabore un calendario para tratar temas como a NOX de Ourense, os Xulgados de Violencia, LEXNET, etc… Fixemos ver á DX que no tempo no en que eles convocaron 10 (dende 2014), o Ministerio convocounos 39 veces.
-          Consolidación do maior número de prazas de longa duración, entre elas as do persoal de reforzo do IMELGA
-          Que se elabore un protocolo cos Corpos e Forzas de Seguridade para que exista un sistema, similar o que eles teñen, que alerte e dea preferencia aos avisos de urxencia procedentes de persoal de xustiza desenvolvendo o seu labor na rúa. Abordamos a necesidade de aumentar a seguridade tamén dentro dos órganos xudiciais.
-          Axilidade na adaptación do KRONOS á garda dos médicos forenses.

            O certo é que fronte ás malas formas dalgún representante sindical (recollidas na acta e quitadas a petición deste) que, aínda que dirixidas á representación da Administración, molestan a todos os/as presentes na mesa, a CIG é felicitada por ter feito o seu traballo (tamén recollido na acta), e non por iso somos menos belixerantes coa Administración, senón máis educados e respetuosos con todos os/as compañeiros/as. 

No hay comentarios: