OS MANSOS NON ESCARMENTAN!!! - 2ª FASE PLAN DE ACTUACIÓN

Saíu á luz a 2ª fase  do marabilloso plan de actuación para a recuperación do traballo nos órganos xudiciais despois da folga, aprobado pola Comisión de seguimento formada pola Administración, USO, UGT e CCOO.

É tan esperpéntico que parece que non pode ser certo, pero é lóxico despois do que fixeron os sindicatos colaboracionistas. 

A estratexia de usar  aos TONTOS ÚTILES  foi, unha vez máis, executada á perfección  pola Administración para saírse coa súa e agora eses tres xa renegan do Plan de actuación que con tanto escurantismo “negociaron”.

Que estaban a pensar, que por axeonllarse ante a Admón. no conflito, ían ser máis respectados?

Que por estar negociando ás costas dos traballadores, ían conseguir melloras nas negociacións actuais e vindeiras?

O plan que se nos presenta, case 6 meses despois do remate da folga, dá conta da prepotencia que segue a ter a Xunta de Galiza cos traballadores/as.

Só afecta a unha terceira parte dos órganos xudiciais deixando fora a case que 180 órganos sen contar os Xulgados de Paz.  Anúnciase o día 11 (12, 13 e 14 non son laborais) para empezar o 15. Premia aos avogados (inclusión dos 1ª instancia e mercantís das 7 cidades), é discriminatorio (non entran os xulgados de instrución,  nin os penais, nin os contenciosos, NIN AS VILAS)  e é propagandístico. Un comportamento similar ao que sufrimos durante a folga,  e todos sabemos agora o porqué.

O persoal destinado nos órganos xudiciais que se acolla, vai pasar máis tempo cubrindo o alarde do traballo realizado  que realizando o traballo en si. Non sabemos si os letrados e maxistrados tamén van ter que facer o mesmo ou teremos que facerllo nós.

Sorprenden notablemente as notas informativas de algúns sindicatos dos apesebrados, ESIXINDO UN PLAN DE ACTUACIÓN DISTINTO.  Non sabemos se é por ignorancia soberana dos seus membros ou porque estannos a tachar a todos nós de ignorantes.

A CIG insiste (escritos presentados o 2 e 24 de xullo e 26 de setembro) en que se está a desvirtuar a negociación colectiva, xa que entendemos que o único órgano competente para negociar as condicións de traballo é a Mesa Sectorial, sen convocar dende que rematou a folga POLO MEDO DA ADMINISTRACIÓN E DOS SEUS SINDICATOS LACAIOS.