A CIG ven de presentar sendos escritos ante a administración autonómica a fin de que se leven a cabo de xeito inmediato análises nos Imelgas, para o Formol, e nos órganos xudiciais para o Radón, dado o caracter canceríxeno que presentan ambos elementos.
A unión europea ven de fixar no mes de xuño o nivel máximo de exposición ao formol, polo que todos os Imelgas do pais deben de manterse por debaixo dese nivel de exposición.
En canto ao Radón, dado que a incidencia deste gas no cancro de pulmon está demostrada, e que a normartiva española (Instrución IS-33 do Consello de Seguridade Nuclear) xa fixa unha obrigatoriedade de análises nas zonas de influencia (Galicia é toda ela unha zona de influencia), é polo que a CIG solicitou a urxente convocatoria da Mesa de Seguridade e Saude Laboral para que se faga un plan de medicións, xa que en Santiago existe un dos laboratorios acreditados para a medición de Radón e que o importe das medicións resulta ser dunha cantidade tan ridícula como de 96€.
Ligazón escritos:
Comentarios
Publicar un comentario