Saltar ao contido principal

MESA SECTORIAL DE XUSTIZA DIA 19 DE XULLO


O día 19 de xullo, as cinco centrais sindicais con representación na Mesa Sectorial da nosa Comunidade Autónoma, alcanzamos o seguinte principio de acordo coa Dirección Xeral de Xustiza:
O acordo consta de dous apartados: O primeiro, nun “paquete” pechado, referido aos Rexistros Civís, as Substitucións entre os corpos xerais e a Atribución de Funcións aos integrantes do Corpo de Auxilio Xudicial . O segundo, sobre os xulgados de Violencia de Xénero.
  • Rexistros Civís.- 240 € por atender de xeito Voluntario pola tarde de luns a venres e 80 € pola mañán do sábado a dous funcionarios nos rexistros da Coruña e Vigo e a un funcionario nos de Lugo, Ourense, Pontevedra, Santiago e Ferrol.
  • Substitucións.- Pagamento do 100 % da diferencia de soldo base e complementos entre o corpo substituído e o que substitúe.
  • Atribución de Funcións para o Corpo de Auxilio.- A razón de 100 € por quincena. Establecerásese unha quenda de garda de disponibilidade para os integrantes do Corpo de Auxilio das sete grandes localidades coa composición seguinte:
  1. Meses de xullo e setembro.- 5 de Auxilio por quincena na Coruña e Vigo, e 4 de Auxilio por quincena en Lugo, Ourense, Pontevedra, Santiago e Ferrol
  2. Resto de meses do ano.- 3 de Auxilio por quincena na Coruña e Vigo, e 2 de Auxilio por quincena no resto de localidades.
  3. Funcións a realizar: Se non falta ninguén, nada.
  4. No caso dalgunha ausencia por permiso, licenza por enfermidade, vacacións, etc.., aqueles que sexan nomeados para a quincena cubrirán as ausencias tal e como o veñen a facer na actualidade.
  5. Integrantes das quendas.- Haberá un período para anotarse de xeito voluntario nas mencionadas quendas e é intención da Administración comezar a implantalas o 1 de setembro.

Violencia sobre a muller da Coruña e Vigo.- A Dirección Xeral concedeu 3 prolongacións de xornada para o xulgado da Coruña e 4 prolongacións para o de Vigo durante os meses de agosto, setembro e outubro. A razón da diferencia estriba en que o xulgado de Vigo hai oito meses que vén funcionando sen ningún tipo de compensación e dalgún xeito debían ser compensados. A problemática, no seu conxunto, tanto destas unidades específicas como a daquelas outras que a comparten coas súas propias funcións, abordaráse nunha Mesa específica.

APARTADO DE ROGOS E PREGUNTAS.- A CIG formulou a medio de escrito as seguintes preguntas a Directora Xeral:

  1. Cando se pensa acordar o incremento do capítulo de acción social pasando do actual ata o 1% da masa salarial tal e como se comprometera a administración, ainda que sexa de xeito paulatino.
  2. Situación dos reforzos do xulgado de Sarria.
  3. Estado das obras da Fiscalía de Cambados.
  4. Cal é o estado das obras precisas para a instalación do Aire Acondicionado dos Xulgados de Cangas, Cambados, Vilagarcía, Vigo e Porriño. Recordamos que estas obras foron comprometidas polo anterior Director Xeral no verán pasado ante os graves problemas de calor padecidos en ditos órganos xudiciais.
  5. Extensión ao resto de órganos de violencia de xénero do complemento “específico”e renegociación do mesmo dado que no 2008 remata a previsión do mesmo.
  6. Solicitamos a adaptación a nova lexislación e aprobación da instrucción de permisos a fin de clarificar os mesmos.
  7. Fixación dun calendario de negociación para todos os temas pendentes, agrupacións de paz, substitucións, rexistros civis, etc..

Comentarios

Publicacións populares deste blog

MESA SECTORIAL MINISTERIO - VINDEIRAS OPOSICIÓNS

A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj). Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza. O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida. Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas. Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil. O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de f

TOMA DE POSESIÓN DO NOVO SECRETARIO DE GOBERNO DO TSXG

O Secretario Nacional do Sector de Xustiza da CIG, Óscar Freixedo, e a Secretaria de Saúde  Laboral, Chelo Rodríguez, acudiron no día de onte, a tendendo ao convite da Ministra de Xustiza, á toma de posesión en Madrid do novo Secretario de Goberno do Tribunal Superior de Xustiza de Galiza, Juan José Martín Álvarez, ata fai uns días Director Xeral de Xustiza. Óscar e Chelo trasladáronlle ao novo Secretario de Goberno do TSXG o seu compromiso co diálogo e a colaboración, asi como a dispoñibilidade do Sector de Xustiza da CIG para mellorar as condicións laborais das traballadoras e traballadores da xustiza galega e do servizo público que atenden.

AGRADECEMENTO AS TRABALLADORAS/ES POLO SEU VOTO NAS RECENTES ELECCIÓNS

A CIG quere dar as grazas a todas e todos @s que participastes nas eleccións ás Xuntas de Persoal da Admón de Xustiza, en especial aos que depositastes a vosa confianza en nós. Vistos os resultados, agás en   Ourense que aínda non se celebraron,   queremos manifestar que   o voso apoio nos vai facer un pouco máis fortes, e esa forza ímola empregar, coma sempre, libres, sen ataduras e cun espíritu crítico,   en tratar de mellorar as condicións de traballo de todas e todos, en tratar de conseguir que se respecten os nosos dereitos e que esta xustiza do noso país mellore e sexa un mellor servizo público. Toca seguir loitando, que é algo que facemos con agrado   esperando non defraudar e conseguir ser cada vez un pouquiño máis referente neste sector,   do mesmo xeito que somos referente nos distintos eidos da nosa Galiza.