Ao remate da reunión co Sr. Conselleiro de Presidencia Admóns Publicas e Xustiza e logo de presentar unha Plataforma reivindicativa UNITARIA os Sindicatos repartimos de forma conxunta a seguinte NOTA INFORMATIVA:
CSI-CSIF CCOO UGT CIG SPJ-USO
Onte, xoves 31 de xaneiro, e a petición de todas as Centrais Sindicais ante o gravísimo deterioro laboral e económico que estamos a sufrir os empregados públicos da administración de xustiza en Galicia, celebrouse a Mesa Sectorial de Xustiza coa asistenza do Conselleiro de Presidencia, Administracións Públicas e Xustiza. Como primeira cuestión os Sindicatos, de xeito conxunto, esiximos unha explicación pola falta de pago dos 20 € pactados no Acordo retributivo 2006/2008, xa que logo non estabamos dispostos a aceptar outra cousa que non fose o xa negociado. Ante a presión sindical, o Conselleiro retirou a inaceptable proposta de reparto dos cartos que a Dirección Xeral de Xustiza traía a Mesa e, de seguido, comprometeuse a consensuar unha nova coas organizacións sindicais ao longo deste mes de febreiro, que, en calquera caso, tivese carácter lineal e retroactivo a 1 de xaneiro. Ademais, o Conselleiro aceptou establecer un calendario de negociación para tratar as propostas da Plataforma Sindical Unitaria, que nese mesmo acto as cinco Centrais Sindicais lle entregamos, e entre as que se atopa a reivindicación dun novo acordo retributivo para o ano 2009. Para iso, a Dirección Xeral de Xustiza deberá convocar a primeira Mesa Sectorial este mesmo mes. O propio Conselleiro, ante a insistencia de todos os sindicatos, aceptou que o calendario de negociación terá que ser estable co fin chegar a un novo Acordo antes do verán. Acordo que deberá recoller todas as nosas demandas laborais e económicas
Comentarios
Publicar un comentario