CURSOS DE FORMACIÓN CONTINUA ANO 2008
O pasado día 8 de febreiro celebrouse unha mesa de formación na que se intentou perfilar a convocatoria de cursos de formación para todo este ano. Solicitouse da Administración que a convocatoria sexa única e os cursos se realicen dun xeito máis organizado que nos pasados anos. Nesta ocasión, tal e como se viña solicitando por parte deste sindicato hai tempo, os cursos teñen unha maior duración e son eminentemente de teleformación, co fin de que os poidan realizar o maior número de xente.
Celebraranse ademáis dous cursos que figuran na taboa, con contido aínda por determinar, dirixidos aos médicos forenses.
De cara ao vindeiro plan de formación para o ano 2009, a CIG propuxo cursos cunha maior duración e calidade, orientados á formación interna, e que inclúan, ademáis de temas procesuais, temas de dereito substantivo.
FORMADORES
No DOG do día 28 de novembro de 2007 publicouse unha resolución da EGAP pola que se constitúe unha base de datos de formadores na que deberán estar inscritos todos aqueles que queiran impartir cursos de formación.
COORDINADORES
A CIG propuxo que se constitúa unha bolsa de coordinadores, para que quen o desexe poida inscribirse para facer labores de coordinación retribuidas e se abandone así o sistema de “a dedo” que existe actualmente.
En principio, os cursos serán os seguintes:
Curso sobre organización xudicial e estatuto xurídico do persoal ao servizo da Administración de Xustiza | 30 horas | 200 alumnos | Teleformación |
Curso básico de xurisdición civil | 35 horas | 200 alumnos | Teleformación |
Procesos civís e últimas reformas | 40 horas | 200 alumnos | Teleformación |
Curso básico xurisdición civil: a execución | 40 horas | 200 alumnos | Teleformación |
Procesos especiais | 35 horas | 200 alumnos | Teleformación |
Xurisdición voluntaria | 40 horas | 200 alumnos | Teleformación |
Curso de Dereito Civil de Galicia | 40 horas | 200 alumnos | Teleformación |
Procesos penais nos xulgados de instrución | 50 horas | 200 alumnos | Teleformación |
Procesos penais en fases posteriores á instrución | 50 horas | 200 alumnos | Teleformación |
Servizo de garda nos Xulgados de Instrución | 20 horas | 75 alumnos | Teleformación |
Teoría e práctica procesual na xurisdición social | 40 horas | 200 alumnos | Teleformación |
Teoría e práctica procesual na xurisdición contencioso-administrativa | 40 horas | 200 alumnos | Teleformación |
Rexistro civil | 40 horas | 200 alumnos | Teleformación |
Curso de xestión da Administración de Xustiza | 40 horas | 180 alumnos | Teleformación |
Habilidades de relación e atención ao público | 12 horas | 60 alumnos | Presencial |
Correo electrónico corporativo, rede de xustiza, punto neutro xudicial e páxinas webs institucionales | 12 horas | 60 alumnos | Presencial |
Curso básico de inglés | 48 horas | A celebración deste curso non está confirmada, así como a súa modalidade |
Comentarios
Publicar un comentario