Saltar ao contido principal

COMISIÓN AUTONÓMICA IMPLANTACIÓN NOVA OFICINA XUDICIAL (NOX)

Hoxe, 26 de novembro, tivo lugar en Compostela a constitución formal da Comisión Autonómica para a Implantación da Nova Oficina Xudicial (NOX). Entre outros estiveron presentes o Conselleiro de Presidencia, Admons. Publicas e Xustiza, o Presidente do TSXG, o Fiscal Superior de Galiza, o Secretario de Goberno do TSXG, o Presidente do Consello da Avogacía Galega, o Presidente do Consello Galego de Procuradores e todas as organizacións sindicais representadas na mesa sectorial de xustiza. A constitución desta comisión foi unha mera formalidade prevista no Decreto 427/2009, do 19 de novembro, cando o realmente importante é a constitución da comisión técnica e os grupos de traballo que elaborarán, de ser o caso, os plans para a implantación da NOX na nosa comunidade.
Por parte da CIG transmitiuselle a todos os presentes e, en especial, ao Conselleiro, a nosa descofianza nas posibilidades de implantación da NOX en Galiza, tendo en conta o actual marco de crise e os recortes salariais aplicados as traballadoras/es de todo o sector público. A modernización da xustiza non ten que pasar exclusivamente pola implantación da NOX na nosa comunidade; máis ben, neste momento de recesión económica, podería ser máis lóxico realizar os investimentos posibles e ir implementando medidas de modernización (sobre todo aplicacións informáticas, dotacións materias e adaptacións de espazos) que a medio prazo e, cando a situación económica se estabilizara, nos permitira acometer con mellores garantías a implantación da NOX.  Non obstante o Conselleiro indicou que a súa opción nestes intres pasa por camiñar cara a implantación da NOX e isto pode ser porque este proxecto de oficina xudicial foi auspiciado no seu día baixo o goberno do PP de Jose Maria Aznar coa modificación levada a cabo na LOPX no ano 2003.
Na nosa breve intervención (pois a constitución desta comisión como xa dixemos foi unha mera formalidade legal) fixémoslle ver aos compoñentes da mesma a lo menos catro aspectos salientables que inciden sobremaneira na implantación da NOX:

1) Salvagarda dos dereitos dos traballadores.
2) Diferenzas na aplicación da NOX nas cidades grandes e vilas fronte aos pobos onde hai un ou dous xulgados.
3) Falta de confianza na consecución dos orzamentos necesarios, das actitudes de compromiso, da implantación tan nefasta das novas tecnoloxías, etc.
4) Coexistencia do funcionamento da NOX coa antiga oficina xudicial o que pode provocar un retraso e colapso moito maior da xustiza ao ser sistemas totalmente contrapostos e non ter un soporte informático suficiente que garanta o fluxo de expedientes entre os distintos departamentos.

Finalmente pediuse pola nosa banda que non se cumprira o dito de que "se queres que algo non funcione crea unha comisión" e polo tanto que sexamos serios nos prantexamentos e non queiramos simplemente facer compromisos políticos de cara á galería.

Comentarios

Publicacións populares deste blog

MESA SECTORIAL MINISTERIO - VINDEIRAS OPOSICIÓNS

A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj). Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza. O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida. Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas. Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil. O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de f

TOMA DE POSESIÓN DO NOVO SECRETARIO DE GOBERNO DO TSXG

O Secretario Nacional do Sector de Xustiza da CIG, Óscar Freixedo, e a Secretaria de Saúde  Laboral, Chelo Rodríguez, acudiron no día de onte, a tendendo ao convite da Ministra de Xustiza, á toma de posesión en Madrid do novo Secretario de Goberno do Tribunal Superior de Xustiza de Galiza, Juan José Martín Álvarez, ata fai uns días Director Xeral de Xustiza. Óscar e Chelo trasladáronlle ao novo Secretario de Goberno do TSXG o seu compromiso co diálogo e a colaboración, asi como a dispoñibilidade do Sector de Xustiza da CIG para mellorar as condicións laborais das traballadoras e traballadores da xustiza galega e do servizo público que atenden.

ANUNCIO DA CONVOCATORIA DAS BOLSAS DE PERSOAL INTERINO DE XUSTIZA

No DOG do 8 de febreiro publicouse a RESOLUCIÓN do 28 de xaneiro de 2022, da Dirección Xeral de Xustiza, pola que se convocan bolsas de traballo de persoal interino dos corpos xerais ao servizo da Administración de xustiza en Galicia (código de procedemento XU700A). 1. O prazo de presentación de solicitudes será de quince (15) días hábiles (ata o 1 de marzo) , contados a partir do día seguinte ao da publicación desta convocatoria no Diario Oficial de Galicia. 2. As solicitudes presentaranse obrigatoriamente por medios electrónicos a través do formulario normalizado dispoñible na Oficina virtual do persoal da Administración de xustiza (OPAX), no sitio web http://opax.xunta.es , accesible tamén a través da sede electrónica da Xunta de Galicia https://sede.xunta.gal 3. Para acceder ao formulario normalizado e presentar a solicitude, deberase dispor dun usuario rexistrado na OPAX e dun certificado electrónico cualificado (DNI electrónico, tarxeta de identificación de persoal ao servizo da