Saltar ao contido principal

CURSOS CELGA

   Para aquelas compañeiras/os que non teñen o curso de iniciación e perfeccionamento de lingua galega indicarvos que no DOG do 14 de xaneiro aparece publicada unha orde pola que se convocan, con carácter gratuíto, cursos preparatorios para os certificados de lingua galega (Celga). Estes cursos, que se impartirán en escolas oficiais de idiomas, van dirixidos a calquera persoa maior de dezaseis anos que desexe certificar a súa competencia en lingua galega.
   A duración de cada un dos cursos é de 60 horas lectivas. A súa realización non dá dereito a ningún tipo de certificación, xa que o seu obxectivo é o de preparar as probas conducentes á obtención dos Celga. Posteriormente cómpre presentarse aos exames que, dúas veces ao ano, convoca a Secretaría Xeral de Política Lingüística.
   O modelo de solicitude figura no anexo III da orde e a relación de cursos Celga no anexo IV. As solicitudes, debidamente cubertas, presentaranse na secretaría da escola oficial de idiomas correspondente ata cinco días antes da data establecida para o inicio do curso.
   Na seguinte ligazón pódese acceder á orde completa da convocatoria:

http://www.xunta.es/dog/Dog2011.nsf/47722d0a92b97991c125725f0047d139/a9f8c11771d108f1c125781700563cbc?OpenDocument

Comentarios

Publicacións populares deste blog

COMUNICADO DA CIG ANTE A FOLGA DE XUSTIZA

Ante a información aparecida na prensa no día de hoxe sobre o anuncio por parte de varias organizacións sindicais dunha convocatoria de folga na Administración de Xustiza queremos precisar:   - Que a CIG apoia as mobilizacións que se produzan reivindicando un aumento retributivo para todos os corpos, así como o recoñecemento das funcións reais de cada un deles.   - Que apoiamos, como fixemos ate o de agora, a solicitude dunha negociación real da LOEO co Ministerio, instando a que se paralice a súa tramitación mestres esta non se produza.   - Que, en virtude diso, apoiamos e participaremos na concentración de delegados e delegadas prevista para o día 12 de abril en Madrid e todas aquelas que neste senso se produzan.   - Que a CIG non convocará folga indefinida na Administración de Xustiza en Galicia; está aínda moi recente o acontecido na folga do 2018, con consecuencias nefastas para tod@s e pensamos, porque así tamén nolo transmiten os compañeiros e compañeiras, que non debemos unirno

MOBILIZACIÓNS EN MADRID SOBRE NEGOCIACIÓN DA LOEO, DETALLE DE FUNCIÓNS E MELLORAS SALARIAIS

  As/os delegadas/os da CIG Xustiza estiveron esta mañá na concentración convocada diante do Ministerio en Madrid apoiando as mobilizacións que se están a levar a cabo solicitando a paralización da tramitación da LOEO, unha regulación máis detallada das funcións dos distintos corpos así como un aumento salarial acorde a esas funcións.

NOVOS PERMISOS FAMILIARES EBEP

Mentras non se mude a OPAX haberá que facer a petición dos permisos a través dos modelos que vos deixamos na ligazón. Ligazón folla informativa e modelos: https://drive.google.com/file/d/1MPr5QqScvQRMwysy7gh6SzErzD0lrRKo/view?usp=sharing