Deixámosvos aquí o correo electrónico remitido á Consellería e á Dirección Xeral de Xustiza sobre as novas publicadas no día de hoxe en prensa, en relación coa redución do número de días por asuntos particulares que nos corresponderá disfrutar neste ano 2012, como nova medida de recorte pratexada polo executivo do Sr. Feijoo.
"A raiz da publicación na prensa (Faro de Vigo - 3-2-2012 - Pax. 21) das novas medidas a adoptar polo goberno galego, queremos expor que xa non chega con que se estea a propoñer a redución dos días por asuntos particulares que temos recoñecidos legamente se non que ainda por riba a Xunta ten a osadía e desfachatez de indicar que cubre ditos permisos con persoal eventual cando a veces nin sequera cubre as baixas de dous meses de prazas dotadas orzamentariamente. Resulta vergoñento que se empreguen os medios de comunicación para denostar aos empregados e servizos públicos sobre quen se está a repercutir unha grande parte dos recortes e, ainda por riba, o Sr. Presidente da Xunta ten a cara de dicir que a "maioría" dos funcionarios comprenderá estes novos sacrificios (seica deben parecerlle poucos os e levamos feitos ata o de agora: rebaixa salarial 2011, conxelación salarial 2012, aumento retencións do IRPF, non reposición de efectivos, amortización de prazas, etc.). Un non deixa por menos que preguntarse onde está o límite das reducións e perda de dereitos dos traballadores da función pública. Por todo o anterior solicitamos unha urxente rectificación por parte da Consellería indicando que nunca se cubriron con persoal interino os permisos e vacacións do persoal da Administración de Xustiza e que polo tanto esta nova medida non vai reportar ningún aforro para as arcas da Xunta de Galiza se non que simplemente se trata dunha medida populista".
Comentarios
Publicar un comentario