Saltar ao contido principal

MESA SECTORIAL MADRID - SECRETARIOS - MEDICOS FORENSES - XESTORES - REXISTRO CIVIL



Onte 9 de abril tivo lugar en Madrid outra representación esperpéntica do que non debe ser unha mesa de negociación. Se nos queixamos dos xestores de Galiza, deus nos pille confesados cos xestores que hai en Madrid. Por parte da administración central e con absoluta desvergoña aprobáronse, sen case discusión ningunha, ao non aceptarse a maioría das alegacións feitas (tal e como nos teñen acostumados), a seguinte normativa que, no caso de Galiza, maioritariamente afectaría aos Secretarios Xudiciais e aos Médicos Forenses:

1) Orde de calendario laboral e vacacións de Secretarios Xudiciais, que será diferente ao dos corpos xerais tanto no territorio Ministerio como en Galiza, onde aínda se notarán máis as diferenzas. Pola CIG se solicitou que o calendario dos Secretarios fora igual que o dos corpos xerais, ademais de reiterar a súa plena transferencia á comunidade autónoma galega por non ser lóxico que o xefe de persoal dependa doutra administración diferente.
2) Modificación do Regulamento dos Institutos de Medicina Legal a fin de regular mellor o cesamento voluntario dos directores e subdirectores do IMELGA e a súa reincorporación (manda truco, unhas prazas que se cubren por libre designación e non por concurso específico de méritos e aínda por riba hai que coidar que os que retornen aos seus postos o fagan ben mimadiños). Pola CIG nos opuxemos a que esta clase de postos se seguisen a outorgar como libre designación no canto de ser prazas dotadas en concurso de traslados específicos onde se valoren os méritos dos candidatos e non se poña a dedo a aqueles que máis conveña ao político de turno.

3) Modificouse o cadro de persoal mínimo das UPAD's (Unidades de Apoio Directo aos Xuices) retirando persoal do corpo de xestión que, segundo o Ministerio, pasará a engrosar, con toda probabilidade, os servizos comúns de execucion (SCEJ) e os de ordenación do procedemento (SCOP), ainda que non necesariamente con caracter inmediato. Dado que en Galiza non se puxo en marcha a oficina xudicial esta medida de momento Por parte da CIG fixóselle ver ao Ministerio o seu erro ao pretender seguir para adiante cunha oficina xudicial configurada nos tempos do señor Aznar e que o señor Zapatero foi incapaz de poñer en marcha e, finalmente o señor Rajoi vai polo mesmo camiño de non poder consolidar a mesma. Reiteróuselle por parte da CIG que seguen a poñer o carro antes que os bois e que cunha porquería de aplicación informatica e cunhas bases de datos totalmente corruptas, dificilmente vai poder poñerse en marcha nin esta nin ningunha outra oficina xudicial O Ministerio segue a teimar no seu erro e agora reduce a dotación mínima das UPAD's poñendo 1 xestor por cada dúas UPAD's polo que cabe concluir que vai a haber un gran número de xestores nos SCOP e SCEJ que xa veremos que funcións fan, polo que non nos explicamos como aínda por riba van e sacan a oposición prazas de xestión no canto de sacar prazas de tramitación e auxilio.
4) En canto á situación dos Rexistros Civís indicou o Director Xeral que o anteproxecto atopase nun impas de espera e que se estaban dando un tempo para valoralo, pero nada concretou sobre o que podería acontecer no seu caso co persoal nin cos xulgados de paz.
5) En canto ao catálogo de enfermidades para as IT por enfermidade común, indicou o Director Xeral que en breve se reunirían coas Comunidades Autónomas a fin de tentar unificar criterios para que o catálogo sexa o máis uniforme posible.

Comentarios

Publicacións populares deste blog

COMUNICADO DA CIG ANTE A FOLGA DE XUSTIZA

Ante a información aparecida na prensa no día de hoxe sobre o anuncio por parte de varias organizacións sindicais dunha convocatoria de folga na Administración de Xustiza queremos precisar:   - Que a CIG apoia as mobilizacións que se produzan reivindicando un aumento retributivo para todos os corpos, así como o recoñecemento das funcións reais de cada un deles.   - Que apoiamos, como fixemos ate o de agora, a solicitude dunha negociación real da LOEO co Ministerio, instando a que se paralice a súa tramitación mestres esta non se produza.   - Que, en virtude diso, apoiamos e participaremos na concentración de delegados e delegadas prevista para o día 12 de abril en Madrid e todas aquelas que neste senso se produzan.   - Que a CIG non convocará folga indefinida na Administración de Xustiza en Galicia; está aínda moi recente o acontecido na folga do 2018, con consecuencias nefastas para tod@s e pensamos, porque así tamén nolo transmiten os compañeiros e compañeiras, que non debemos unirno

MOBILIZACIÓNS EN MADRID SOBRE NEGOCIACIÓN DA LOEO, DETALLE DE FUNCIÓNS E MELLORAS SALARIAIS

  As/os delegadas/os da CIG Xustiza estiveron esta mañá na concentración convocada diante do Ministerio en Madrid apoiando as mobilizacións que se están a levar a cabo solicitando a paralización da tramitación da LOEO, unha regulación máis detallada das funcións dos distintos corpos así como un aumento salarial acorde a esas funcións.

NOVOS PERMISOS FAMILIARES EBEP

Mentras non se mude a OPAX haberá que facer a petición dos permisos a través dos modelos que vos deixamos na ligazón. Ligazón folla informativa e modelos: https://drive.google.com/file/d/1MPr5QqScvQRMwysy7gh6SzErzD0lrRKo/view?usp=sharing