Saltar ao contido principal

NOTA CONXUNTA TRAS O ABANDONO DA MESA DE NEGOCIACIÓN



O DIRECTOR XERAL, JUAN JOSÉ MARTÍN ÁLVAREZ, CUNHA ACTITUDE FASCISTA, REVENTA AS NEGOCIACIÓNS E IMPLANTA O TOTALITARISMO NAS CONDICIÓNS LABORAIS DOS  TRABALLADORES DA XUSTIZA EN GALICIA.
Tras varios meses de negociación  nos que conseguimos minimizar algúns dos recortes con respecto ao RD 20/2012  (sete días de vacacións de disfrute independente, a posibilidade de unir eses días aos moscosos, concesión do permiso de ingreso hospitalario de xeito independente no prazo dun mes, mantemento do horario de verán e semana grande, días de asuntos particulares por cada festivo nacional que coincida en sábado, …), o Director Xeral, nunha actitude fascista sen precedentes, non sabemos se dirixido, como un monicreque, polo Conselleiro, trocou a súa actitude na mesa amosando  desprezo ás Organizacións Sindicais con representación na mesma (CCOO, USO, UGT, CSIF e CIG) e por ende, aos traballadores; o detonante da súa mala fe negociadora foi a negativa da concesión de días de libranza a custe cero a cambio do exceso de horas traballadas.

 Ademais, non admitiu as reivindicacións básicas co obxecto de minimizar a discriminación que estamos a sufrir respecto ao persoal doutras comunidades, e incluso  con respecto a outros corpos da mesma Administración; entre outras:
1.- Supresión de parte do Complemento Autonómico Transitorio
2.- Secuestro de prazas na convocatoria do concurso de traslados
3.- Non negociación da retribución das substitucións verticais (a igual traballo igual remuneración).
4.- Supresión da acción social
5.- Redución da formación pola transferencia de  fondos á EGAP
6.- Non cobertura ou ralentización na cobertura das baixas
7.- Negativa á creación de prazas cubertas na actualidade por reforzos de carácter estrutural.
8.- Reordenación de efectivos (Rexistros Civís, Servizos Comúns e Partidos Xudiciais).
E … COMO COLOFÓN:AMEAZOU COA APLICACIÓN DA LOPX, SEN NEGOCIACIÓN, ACERCA DA REDUCIÓN RETRIBUTIVA NOS SUPOSTOS DE INCAPACIDADE TEMPORAL (Só se cobraría o 100% nuns determinados casos).
Ante as agresións do Goberno Central  e da Xunta, CCOO, USO, UGT, CSI-F e CIG decidimos LEVANTARNOS da Mesa e ampliar a concentración prevista para o día 22 de maio contra a privatización do Rexistro Civil, para rexeitar todos os recortes anunciados neste servizo público.

Comentarios

Publicacións populares deste blog

MESA SECTORIAL MINISTERIO - VINDEIRAS OPOSICIÓNS

A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj). Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza. O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida. Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas. Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil. O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de f

TOMA DE POSESIÓN DO NOVO SECRETARIO DE GOBERNO DO TSXG

O Secretario Nacional do Sector de Xustiza da CIG, Óscar Freixedo, e a Secretaria de Saúde  Laboral, Chelo Rodríguez, acudiron no día de onte, a tendendo ao convite da Ministra de Xustiza, á toma de posesión en Madrid do novo Secretario de Goberno do Tribunal Superior de Xustiza de Galiza, Juan José Martín Álvarez, ata fai uns días Director Xeral de Xustiza. Óscar e Chelo trasladáronlle ao novo Secretario de Goberno do TSXG o seu compromiso co diálogo e a colaboración, asi como a dispoñibilidade do Sector de Xustiza da CIG para mellorar as condicións laborais das traballadoras e traballadores da xustiza galega e do servizo público que atenden.

ANUNCIO DA CONVOCATORIA DAS BOLSAS DE PERSOAL INTERINO DE XUSTIZA

No DOG do 8 de febreiro publicouse a RESOLUCIÓN do 28 de xaneiro de 2022, da Dirección Xeral de Xustiza, pola que se convocan bolsas de traballo de persoal interino dos corpos xerais ao servizo da Administración de xustiza en Galicia (código de procedemento XU700A). 1. O prazo de presentación de solicitudes será de quince (15) días hábiles (ata o 1 de marzo) , contados a partir do día seguinte ao da publicación desta convocatoria no Diario Oficial de Galicia. 2. As solicitudes presentaranse obrigatoriamente por medios electrónicos a través do formulario normalizado dispoñible na Oficina virtual do persoal da Administración de xustiza (OPAX), no sitio web http://opax.xunta.es , accesible tamén a través da sede electrónica da Xunta de Galicia https://sede.xunta.gal 3. Para acceder ao formulario normalizado e presentar a solicitude, deberase dispor dun usuario rexistrado na OPAX e dun certificado electrónico cualificado (DNI electrónico, tarxeta de identificación de persoal ao servizo da