COMPENSACIÓNS HORARIAS NOS SERVIZOS COMÚNS DE NOTIFICACIÓNS (SCACE) POR DILIXENCIAS URXENTES

Segundo consulta realizada a administración autonómica, a hora de practicar polos SCACE dilixencias urxentes fora do horario xeral, serían aplicables os seguintes cómputos e compensacións horarias:

 

1) Caso 1: Que a/s dilixencia/s a practicar comecen despóis das 17:00 horas e rematen antes das 22:00 horas, aplicaranse as compensacións horarias previstas no Artigo 12 da Orde sobre os horarios e o calendario laboral das oficinas da Administración de xustiza en Galicia para 2014, cubrindo na OPAX a correspondente incidencia horaria, detallándose as dilixencias realizadas.

2) Caso 2: Que a/s dilixencia/s a practicar comecen despois das 22:00 horas. Neste caso non haberá cómputo nin compensacións horarias e terá dereito a/o funcionaria/o a un día de permiso, a gozar antes do último día do mes seguinte ao da realización da dilixencia. A ausencia deste día reflictirase na OPAX como unha incidencia horaria, certificando as dilixencias realizadas a/o Secretaria/o e as horas da súa realización.

3) Caso 3: Que a/s dilixencia/s a practicar comecen despois das 17:00 horas e rematen despois das 22:00 horas. Neste caso non haberá tampouco computo nin compensacións horarias e terá dereito a/o funcionaria/o a un día de permiso, a gozar antes do último día do mes seguinte ao da realización da dilixencia. A ausencia deste día reflictirase na OPAX como unha incidencia horaria, certificando as dilixencias realizadas a/o Secretaria/o e as horas da súa realización.

Dende a CIG indicóuselle a administración que esta cuestión debería ter sido negociada para ser incluida, no seu caso, no artigo 11 do calendario laboral. Ademáis non se deben mixturar o cómputo e as compensacións horarias co dereito ao descanso establecido na normativa europea. Polo tanto, cando se realiza unha dilixencia de comunicación fora do horario ordinario, sempre teñen que computar tanto as horas traballadas (porque se houbera un accidente o mesmo sería laboral) como a súa compensación segundo o artigo 12, sen prexuizo, se correspondera, das 11 horas de descanso entre xornadas laborais previstas pola normativa europea. (DIRECTIVA 2003/88/CE DEL PARLAMENTO EUROPEO Y DEL CONSEJO)