ASÍ NOS IRÁ…
O pasado martes 13 de maio, a Dirección Xeral de Xustiza convocou ás organizacións sindicais á Mesa Sectorial, a fin de tratar a nova oficina fiscal e o decreto de nova oficina xudicial.
Tras anos de recortes, de nulo respecto pola negociación colectiva e de decisións unilaterais abusivas, CCOO, UGT e CiG, postura que tamén compartiu USO, decidimos non acudir a lavar a cara a unha Dirección Xeral empeñada en vender grandes alardes moi afastados da realidade: por moita nova oficina fiscal e xudicial, que publican nos medios antes incluso de seren negociadas, os traballadores e traballadoras da Xustiza sabemos que o colapso, con redución de medios persoais e materias e vulneración de dereitos constantes, non se soluciona con catro titulares de prensa.
É por iso, por respecto aos compañeiros, polo que nos negamos a negociar só o que marca a axenda política da Dirección Xeral, na que tamén incluíu no pasado:
- Eliminación da paga extra de decembro de 2012
- Eliminación do 4% da masa salarial (mínimo 400 euros nas extras) sine die
- Conxelación salarial dende 2010
- Decreto de IT’s: poderemos pagar máis de 400 euros por cometer o delicto de enfermar
- Atribución de novas funcións
- Amortización do 5% do cadro de persoal no 2012
- Un futuro incerto para máis do 30% do cadro de persoal coas reformas do Rexistro Civil ou a Lei Orgánica do Poder Xudicial
- Perda de días de vacacións, asuntos propios... e un largo etcétera
Todas estas decisións foron impostas, e quizais sexa a hora de dicir até aquí chegamos. Non é unha cuestión de parar o golpe do rodillo; o que non podemos é ser cómplices dese mesmo rodillo, entrando ao xogo dos recortes como espectadores, sen ningún tipo de oposición máis que a participación no paripé no que converteron as mesas sectoriais.
Polo tanto as organizacións sindicais contestamos áconvocatoria, non negándonos, senón demandando que se incluíran os seguintes temas:
- Arquivos e expurgo: polo incumprimento do compromiso de nomear dous funcionarios itinerantes por provincia, cando hai xulgados sobresaturados, como os sociais, aos que xa se lles está a impór esta función.
- Substitucións: pasaron xa seis meses dende que a Dirección Xeral se comprometeu a procurar unha solución, para que a igual traballo igual salario
- Aplicación dos cómputos horarios nos SACES por dilixencias urxentes
- Gardas nos xulgados de Instrución: un novo golpe de mano que, ao igual que pasa co expurgo, deixa aos secretarios e secretarias coordinadoras a ordenación paralegal das nosas funcións.
Esta decisión de non acudir se non se falaba primeiro dos compromisos incumpridos, foi comunicada ao
sindicato CSIF, quen, nunha postura oportunista e demagóxica, acudiu en solitario a facerlle o xogo á Administración, rachando unha unidade necesaria para sumar forzas contra o expolio.
A Dirección Xeral volveu demostrar que o colectivo de funcionarios non está na súa prioridade, e si o está ese deseño moderno de oficina que, subrepticiamente, agocha reordenacións, mobilidade salvaxe e amortizacións. E si, así nos vai.
- Gardas nos xulgados de Instrución: un novo golpe de mano que, ao igual que pasa co expurgo, deixa aos secretarios e secretarias coordinadoras a ordenación paralegal das nosas funcións.
Esta decisión de non acudir se non se falaba primeiro dos compromisos incumpridos, foi comunicada ao
sindicato CSIF, quen, nunha postura oportunista e demagóxica, acudiu en solitario a facerlle o xogo á Administración, rachando unha unidade necesaria para sumar forzas contra o expolio.
A Dirección Xeral volveu demostrar que o colectivo de funcionarios non está na súa prioridade, e si o está ese deseño moderno de oficina que, subrepticiamente, agocha reordenacións, mobilidade salvaxe e amortizacións. E si, así nos vai.
Galicia, 19 de maio de 2014
Comentarios
Publicar un comentario