O pasado
venres, tras unha convocatoria de urxencia, acudimos a unha reunión en Madrid
co Director Xeral de Relacións coa Administración de Xustiza, para constituir,
supostamente, unha mesa para negociar a reforma da LOPX.
Que ilusos! Do
que se trataba era de informarnos (antes da aprobación do Consello de Ministros
que se prevé para este venres) dos plans Goberno, sen ánimo de negociación; da
reforma integral do mapa xudicial que prantexaba Gallardón, suprimindo partidos
xudiciais, Audiencias,etc .... pasamos a cambios noutros aspectos de “gran
calado e fonda demanda social”:
- subir de 5 a 7 os vogais con
dedicación exclusiva do CXPX
- modificar a regulación do
Gabinete Técnico do Supremo
- suprimir a responsabilidade civil
directa dos xuíces e a situación administrativa das Secretarías Coordinadoras e
de Goberno.
- regular a protección de datos nos
procedementos xudiciais
- redefinir a xurisdición militar
- reforma do art. 241 sobre
incidente de nulidade de actuacións
- creación de xuíces especialistas
en materia tributaria na orde contencioso-administrativa.
En canto aos Libros V e VI que regulan
o noso estatuto xurídico, van contemplar, tal e como solicitaron as centrais
asinantes, os aspectos recollidos no pésimo acordo asinado por CSIF, UXT e STAJ, que deixa sen modificar
cuestións tan importantes como a convocatoria de todas as prazas nos concursos
e oposicións, o pagamento das substitucións, a recuperación dos dereitos
roubados nos últimos anos, etc, etc...Xa no seu momento CIG e ELA amosamos o
noso rexeitamento abandonando a mesa de negociación. De non existir tal acordo
previo, referente a un proxecto totalmente distinto ao actual, partiríamos
dunha base para a negociación moito máis beneficiosa porque habería que
negociar sobre un proxecto novo e estarían abertas todas as posibilidades.
Ademais, só CIG, CCOO e ELA volvemos
rexeitar o outorgamento da realización dos actos de comunicación a procuradores
e procuradoras por tratarse da privatización doutro servizo público.
Comentarios
Publicar un comentario