NO DOS REXISTROS CIVÍS NON PODEMOS AFROUXAR AS RENDAS. XA SE ESTÁ A FALAR DE PRORROGAR A "VACATIO LEGIS"

Agora non podemos afrouxar. Chegou o momento de incrementar a presión mediática, pública e cidadá  sobre o goberno de España, a fin de que non prosiga coa reforma do Rexistro Civil. 

Se xa o Director Xeral de Xustiza de Galiza intúe ou vislumbra (se acerta case podería considerárselle un visionario, no bo sentido da palabra) que a posibilidade de que se prorrogue a "vacatio legis" entra dentro das alternativas que se manexan e, polo tanto, é unha das saídas que poden ter en conta para que nestas vindeiras eleccións locais non teñan unha perda moi grande de votos debido á eliminación do Rexistro Civil de cada vila e pobo, pois xa veremos como pensan o resto de persoeiros que estarán na vindeira conferencia sectorial de xustiza, moitos dos cales tamén son do PP. 

En fin, xa o di o refraneiro, "A inimigo que fuxe, ponte de prata". Por iso nós somos máis da idea de que non se debe querer axeonllar ao inimigo, se non facilitarlle a escapada, por que a fin de contas, o que queremos e que se marche. Polo tanto, ante os últimos coletazos e estertores deste goberno do PP o mellor e actuar con intelixencia e non vai ser que se revolva das súas cinzas e, como vinganza última, nos deixe nunha situación peor da que poderiamos quedar se lle facilitaramos a fuxida.

Enlace artigo "La Voz de Galicia"