O CXPX PRETENDE AVALAR A PRESENTACIÓN TELEMÁTICA DE DOCUMENTOS E A UNIFICACIÓN DE SISTEMAS INFORMÁTICOS
Ningún dos partícipes nesta guerra estase a enteirar de que vai a problemática real da informática xudicial ou, máis ben, non queren enteirarse. O CXPX en sendas novas que vos deixamos nos enlaces de abaixo, pretende avalar a presentación telemática de documentos e a unificación dos diferentes sistemas informáticos existentes no Estado, cando do que se debería de estar a preocupar e MOITÍSIMO e dos centos de bases de datos DIFERENTES e totalmente corruptas (informáticamente falando) existentes en cada partido xudicial de España. De que vale que todos saibamos tocar a trompeta, incluso da mesma marca, se cada un toca cunha partitura diferente. O problema de base máis importante é que nestes intres a intercomunicación das bases de datos xudiciais é inexistente máis ala de cada partido xudicial. Mesmo ainda que toda España empregara a aplicación informática MINERVA, seguiríamos a ter o grandísimo problema de que os datos se tratan de forma local e conforman bases de datos locais, non estatais, por iso o mesmo señor Jose Lopez Lopez aparece rexistrado en canto xulgado teña tido unha actuación xudicial, sen que ningún dos órganos xudiciais que o meteu no sistema saiba que se trata da mesma persoa. Isto que se está a permitir na informática xudicial dende fai moitos anos, sen poñerlle remedio (a propósito, non nos cabe dúbida), se ocorrera nas bases de datos da AEAT (Axencia Tributaria) sería a quebra de España, pero claro, como se trata da xustiza e esta non lle importa a ninguén, pois seguiremos a traballar con ferramentas mal deseñadas para o fin que se persegue, que sería a modernización da Administración de Xustiza.
Ligazóns Noticias Jurídicas:
Comentarios
Publicar un comentario