Debido a nova implantación dun programa de xestión de nóminas denominado "Breixo", o vindeiro mes haberá problemas na percepción de determinados conceptos retributivos tales como gardas, substitucións, saídas a centros penitenciarios, etc.). Polo tanto, segundo as informacións recollidas, só se percibirán aqueles conceptos retributivos fixos.
A aquelas compañeiras/os que viñeron de fora neste último concurso tampouco lles poderán pagar os trienios que teñen recoñecidos, porque ao parecer non se puideron dar de alta os mesmos. Estes erros terán maior incidencia nas provincias de Lugo e Ourense. Na provincia de Pontevedra, a habilitación decatouse a tempo da problemática e posiblemente si poida pagar as gardas e, na Coruña, non está claro cal será tamén o alcance da implantación deste novo programa de nóminas.
En fin, no canto de cambiar para mellor facémolo para peor. É algo ao que nos ten acostumados a administración autonómica, o mesmo que o de sacar peito co funcionamento de Lexnet.
Ligazón Orde de Confección de Nóminas:
Comentarios
Publicar un comentario