Saltar ao contido principal

CIDADE DA XUSTIZA DE VIGO: PROXECTO DE FUTURO OU QUIMERA

Hoxe, tivemos xuntanza todos os colectivos xudiciais co Vicepresidente e Conselleiro de Xustiza e co Director Xeral na Delegación de Vigo, para tratar o tema do proxecto da cidade da xustiza.
Segundo o conselleiro, a finais de marzo pode estar definitivamente aprobada xa a modificación do Art. 144 que posibilitaría, no caso de Vigo e sempre que houbera proxecto básico, a licitación do proxecto e petición de licenza para a construción do novo edificio xudicial ala para o mes de xuño.
Dito o anterior, o Conselleiro presentou unha alternativa novidosa que pasaría pola rehabilitación do edificio do Hospital Xeral de Vigo e o traslado de todas as dependencias xudiciais da rúa lalín a esa nova ubicación, unha vez concluídas todas as obras de adaptación. Matizou que habería que habilitar igual número de prazas de aparcadoiro que as previstas para a rúa lalín e que en superficie sairía gañado o proxecto cos seguintes datos e que tanto tecnicamente como economicamente era viable a execución deste proxecto en 28-30 meses (máis aló de ter que negociar o consentimento do Concello de Vigo no cambio de uso e da TXSS, titular do edificio):
Proxecto e edificios da Rúa Lalín:

19.000 m2 os actuais edificios.
  3.000 m2  80 prazas de garaxe no soto
                     62 prazas de garaxe en superficie
  8.000 m2 edificio novo
                  197 prazas de garaxe

Proxecto Hospital Xeral:
36.700 m2 Torre do Hospital Xeral
12.600 m2 Anexo I
  1.600 m2 Cafetería
Habería que prever a posibilidade de facer prazas de garaxe.

8.000 m2 Anexo II (Reservado para o Sergas PAC)

Comentarios

Publicacións populares deste blog

MESA SECTORIAL MINISTERIO - VINDEIRAS OPOSICIÓNS

A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj). Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza. O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida. Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas. Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil. O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de f

TOMA DE POSESIÓN DO NOVO SECRETARIO DE GOBERNO DO TSXG

O Secretario Nacional do Sector de Xustiza da CIG, Óscar Freixedo, e a Secretaria de Saúde  Laboral, Chelo Rodríguez, acudiron no día de onte, a tendendo ao convite da Ministra de Xustiza, á toma de posesión en Madrid do novo Secretario de Goberno do Tribunal Superior de Xustiza de Galiza, Juan José Martín Álvarez, ata fai uns días Director Xeral de Xustiza. Óscar e Chelo trasladáronlle ao novo Secretario de Goberno do TSXG o seu compromiso co diálogo e a colaboración, asi como a dispoñibilidade do Sector de Xustiza da CIG para mellorar as condicións laborais das traballadoras e traballadores da xustiza galega e do servizo público que atenden.

ANUNCIO DA CONVOCATORIA DAS BOLSAS DE PERSOAL INTERINO DE XUSTIZA

No DOG do 8 de febreiro publicouse a RESOLUCIÓN do 28 de xaneiro de 2022, da Dirección Xeral de Xustiza, pola que se convocan bolsas de traballo de persoal interino dos corpos xerais ao servizo da Administración de xustiza en Galicia (código de procedemento XU700A). 1. O prazo de presentación de solicitudes será de quince (15) días hábiles (ata o 1 de marzo) , contados a partir do día seguinte ao da publicación desta convocatoria no Diario Oficial de Galicia. 2. As solicitudes presentaranse obrigatoriamente por medios electrónicos a través do formulario normalizado dispoñible na Oficina virtual do persoal da Administración de xustiza (OPAX), no sitio web http://opax.xunta.es , accesible tamén a través da sede electrónica da Xunta de Galicia https://sede.xunta.gal 3. Para acceder ao formulario normalizado e presentar a solicitude, deberase dispor dun usuario rexistrado na OPAX e dun certificado electrónico cualificado (DNI electrónico, tarxeta de identificación de persoal ao servizo da