Saltar ao contido principal

XUNTANZA CO ALCALDE DE VIGO SOBRE A CIDADE DA XUSTIZA

No día de onte, a xunta de persoal foi convocada polo alcalde de Vigo, Sr. Abel Caballero, para coñecer o noso parecer sobre a idea exposta fai dúas semanas polo Conselleiro de Xustiza, en relación co traslado das sedes xudiciais ao edificio do antigo “Hospital Xeral de Vigo” unha vez este fora rehabilitado. 
Pola nosa banda se lle trasmitiu ao alcade as nosas inquedanzas e incertezas sobre a nova idea prantexada, que supón un xiro de 180 graos na configuración da cidade da xustiza. Entre outras cousas lle indicamos que non existía (ou cando menos nós non os tiñamos no noso poder) os informes técnicos que avalaran e auditaran o estado do edificio (que ten unha antiguidade de 60 anos) e que polo tanto, falar dun proxecto de rehabilitación da embergadura do que se está a prantexar, sen este tipo de informes, resulta moi complicado; lle indicamos tamén que o proxecto da rúa Lalín xa estaba moi consolidado ainda que levaba varios anos de retraso e agora incluir un novo proxecto para outra zona produciría un incremento deses tempos; outra das cuestións que se trasladou ao alcalde foi a mobilidade que se vai provocar no persoal, xa que unha maioría ten establecida a súa vida nas zonas próximas aos actuais centros de traballo, así como tamén a problemática pola falta de prazas de aparcadoiro na zona do entorno do “Hospital Xeral”; finalmente tamén se lle transmitiu o feito de que o novo proxecto poderia levar un orzamento moi superior ao que sería o da rúa Lalín, nunha época na que aínda seguen os recortes (curiosamente o goberno autonómico segue a reternos un importe equivalente a unha paga extra -e imos para catro anos- e non ten reparo en gastar máis cartos no proxecto da cidade da xustiza).
Para a alcaldía sen embargo esta idea do traslado das dependencias xudiciais ao edificio do “Hospital Xeral” (como a outros colectivos) lle resulta realmente atractiva. En principio a Xunta vai a asumir todos os custes da rehabilitación polo que a cidade de Vigo non ten que aportar nin un euro ao proxecto. Por unha banda obten posiblemente dous edificios para dotacións culturais e de servizos, nun barrio moi poboado como Coia, e a posibilidade de facer a biblioteca nacional nos terreos expropiados; isto último levaríase a cabo ao mesmo tempo que a rehabilitación do “Hospital Xeral”, co que unha vez abandonada a zona polo persoal de xustiza a mesma non perdería a súa vitalidade, pois xa estaría funcionando a nova biblioteca e só quedaría adaptar os edificios aos novos servizos ou dotacións que se prevean nos mesmos. Por outra banda, dase unha solución integral e de futuro ás dependencias xudicias radicándoas no centro de Vigo, cunha superficie moi ampla, cunhas comunicacións boas, con moitas liñas de autobús e a tan só a un par de quilómetros do seu actual emprazamento. O alcade asegurou que ia solicitar a sinatura dun convenio a tres partes (Concello, Xunta e TXSS) para abordar o proxecto e asegurar a financiación e, se isto non se producía nun prazo prudencial (como moito seis meses), habería que retomar o plan inicial da rúa Lalín. Pola nosa banda, finalmente, incidimos en que a casa non se pode empezar polo tellado e que o primeiro que hai que ter e a auditoría completa do estado do edificio antes sequera de falar de elaborar ningún proxecto nel, e que neste momento todo o mundo esta falar do proxecto e a montar castelos no aire, pero carecemos desa documentación fundamental, polo que xa a solicitamos da consellería e mesmo xa contactamos coa facultade de arquitectura da Coruña para que fora o deparartamento de análise de estructuras da mesma a que, a petición da Xunta, fixera esa auditoría completa e independente do estado do “Hospital Xeral” e da súa proxección cara ao futuro

Ligazón escritos pedindo informes técnicos:

Comentarios

Publicacións populares deste blog

MESA SECTORIAL MINISTERIO - VINDEIRAS OPOSICIÓNS

A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj). Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza. O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida. Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas. Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil. O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de f

TOMA DE POSESIÓN DO NOVO SECRETARIO DE GOBERNO DO TSXG

O Secretario Nacional do Sector de Xustiza da CIG, Óscar Freixedo, e a Secretaria de Saúde  Laboral, Chelo Rodríguez, acudiron no día de onte, a tendendo ao convite da Ministra de Xustiza, á toma de posesión en Madrid do novo Secretario de Goberno do Tribunal Superior de Xustiza de Galiza, Juan José Martín Álvarez, ata fai uns días Director Xeral de Xustiza. Óscar e Chelo trasladáronlle ao novo Secretario de Goberno do TSXG o seu compromiso co diálogo e a colaboración, asi como a dispoñibilidade do Sector de Xustiza da CIG para mellorar as condicións laborais das traballadoras e traballadores da xustiza galega e do servizo público que atenden.

ANUNCIO DA CONVOCATORIA DAS BOLSAS DE PERSOAL INTERINO DE XUSTIZA

No DOG do 8 de febreiro publicouse a RESOLUCIÓN do 28 de xaneiro de 2022, da Dirección Xeral de Xustiza, pola que se convocan bolsas de traballo de persoal interino dos corpos xerais ao servizo da Administración de xustiza en Galicia (código de procedemento XU700A). 1. O prazo de presentación de solicitudes será de quince (15) días hábiles (ata o 1 de marzo) , contados a partir do día seguinte ao da publicación desta convocatoria no Diario Oficial de Galicia. 2. As solicitudes presentaranse obrigatoriamente por medios electrónicos a través do formulario normalizado dispoñible na Oficina virtual do persoal da Administración de xustiza (OPAX), no sitio web http://opax.xunta.es , accesible tamén a través da sede electrónica da Xunta de Galicia https://sede.xunta.gal 3. Para acceder ao formulario normalizado e presentar a solicitude, deberase dispor dun usuario rexistrado na OPAX e dun certificado electrónico cualificado (DNI electrónico, tarxeta de identificación de persoal ao servizo da