EXPEDIENTE DIXITAL AO ALCANCE DOS CIDADANS...MENUDA QUIMERA

O pasado 31 de outubro publicábase na intranet a nova de que "Os galegos xa poden consultar en liña a situación dos seus procesos xudiciais", indicando nun dos apartados, titulado como "Un repositorio único con nove millóns de expedientes", que "A pedra angular da que se serven as novas aplicacións e servizos dixitais (o visor, a sede, o portal de xustiza...) é o repositorio unificado xudicial, que está consolidado no 100% dos órganos xudiciais (45 sedes xudiciais, 4 audiencias e o Tribunal Superior de Xustiza de Galicia) e permite a consulta de case nove millóns de expedientes (nada máís e nada menos). Neste repositorio actualízase diariamente a información dos distintos expedientes xudiciais, xerada en cada sede xudicial, cunha media de 1.500 novos expedientes diarios". Este tal repositorio unificado xudicial non é máis que unha copia dos datos existentes en cada un dos servidores de cada partido xudicial. Como ben sabemos que os datos existentes en Minerva están introducidos daquela maneira, duplicados, sen indentificador correcto, etc. (falando en plata, unha "merda") pois a esta Xunta de Galicia, concretamente a AMTEGA, non se lle ocorreu outra cousa que copiar todos eses datos erroneos nos servidores centrais no monte Gaias para a súa consulta pola cidadanía en xeral e polos profesionais en particular. Polo tanto, por definición, seguindo co simil escatolóxcio, se xunto varias "merdas" no mesmo sitio o que se obten é unha "morea de merda", que será o que o cidadán consultará cando acceda a esta plataforma.