Saltar ao contido principal

ESCASOS AVANCES NA MESA SOBRE REXISTRO CIVIL


Da reunión celebrada onte en Madrid acerca da proposta de acordo en materia de Rexistro Civil, só podemos dicir que fronte as reivindicacións da CIG (ás que outras OOSS se uniron na Mesa) que xa vos trasladamos esta semana (garantía de mantemento dos 431 Rexistros do Estado, exclusivamente desenvolto por persoal de Xustiza, competencias para as CCAA, reversión das encomendas a notarios e rexistradores,…), o Ministerio manifestou que o documento recolle os puntos nos que hai acordo, pero que:

-      Van incluír ás CCAA
-      Asumen que teñen que mudar o termo “se velará”
-      Valorarán incluír a exclusividade
-    Estudiarán a inclusión dun calendario de negociación para a reforma da Lei do Rexistro Civil.

Para a CIG, esta resposta volve a ser únicamente unha declaración de intencións, porque non se concretan as revisións; ademáis, falta resposta sobre a reversión das encomendas e a garantía de que permanezan abertos todos os actuais Rexistros Civís.

Próximamente haberá outra Mesa á que agardamos que o Ministerio traia un texto definitivo coas alegacións manifestadas, porque doutro xeito a CIG non asinará ningún acordo.
  
Noutra orde de cousas, o Ministerio informou que o periodo transitorio das solicitudes  de nacionalidade por residencia no RC remata o 30 de xuño (Disposición Transitoria Única da Orde JUS/1625/2016 de 30 de setemnro, en relación co artigo 7 do RD 1004/2015). Deberán presentarse en sede electrónica ou vía rexistro administrativo.

Comentarios

Publicacións populares deste blog

MESA SECTORIAL MINISTERIO - VINDEIRAS OPOSICIÓNS

A CIG ven de participar na Mesa Sectorial do Ministerio de Xustiza, xunto cos sindicatos representativos do sector (Ccoo, Ugt, Ela, así como os corporativos Csif e Staj). Nela tratouse a primeira valoración da Lei 20/2021 e o seu impacto na OEP 2019 e seguintes da Administración de Xustiza. O Ministerio de Xustiza xa está a tratar o tema coas distintas CCAA con transferencias na materia posto que a cada unha lle afecta en maior o menor medida. Respecto da promoción interna non lle ven posibles afectacións. Dende a CIG reclamamos a recuperación do 50% das prazas para a PI, así como unha convocatoria extraordinaria que permita recuperar as prazas perdidas. Como a norma afecta de xeito diferente a cada OEP, o Ministerio entende que non se poderán acumular entre elas, pero de atopar o xeito de facelo optarán por esta vía que será a máis áxil. O Ministerio entende que para a OEP do 2019 xa deberían ofertar polo sistema de concurso aquelas prazas que leven ocupadas con carácter temporal de f

TOMA DE POSESIÓN DO NOVO SECRETARIO DE GOBERNO DO TSXG

O Secretario Nacional do Sector de Xustiza da CIG, Óscar Freixedo, e a Secretaria de Saúde  Laboral, Chelo Rodríguez, acudiron no día de onte, a tendendo ao convite da Ministra de Xustiza, á toma de posesión en Madrid do novo Secretario de Goberno do Tribunal Superior de Xustiza de Galiza, Juan José Martín Álvarez, ata fai uns días Director Xeral de Xustiza. Óscar e Chelo trasladáronlle ao novo Secretario de Goberno do TSXG o seu compromiso co diálogo e a colaboración, asi como a dispoñibilidade do Sector de Xustiza da CIG para mellorar as condicións laborais das traballadoras e traballadores da xustiza galega e do servizo público que atenden.

ANUNCIO DA CONVOCATORIA DAS BOLSAS DE PERSOAL INTERINO DE XUSTIZA

No DOG do 8 de febreiro publicouse a RESOLUCIÓN do 28 de xaneiro de 2022, da Dirección Xeral de Xustiza, pola que se convocan bolsas de traballo de persoal interino dos corpos xerais ao servizo da Administración de xustiza en Galicia (código de procedemento XU700A). 1. O prazo de presentación de solicitudes será de quince (15) días hábiles (ata o 1 de marzo) , contados a partir do día seguinte ao da publicación desta convocatoria no Diario Oficial de Galicia. 2. As solicitudes presentaranse obrigatoriamente por medios electrónicos a través do formulario normalizado dispoñible na Oficina virtual do persoal da Administración de xustiza (OPAX), no sitio web http://opax.xunta.es , accesible tamén a través da sede electrónica da Xunta de Galicia https://sede.xunta.gal 3. Para acceder ao formulario normalizado e presentar a solicitude, deberase dispor dun usuario rexistrado na OPAX e dun certificado electrónico cualificado (DNI electrónico, tarxeta de identificación de persoal ao servizo da