Na tarde de onte a CIG participou xunto coás outras cinco organizacións sindicais con representación na mesa sectorial do Ministerio de Xustiza (ELA, CCOO, CSIF, STAJ e UXT), nunha reunión telefónica conxunta co Ministerio de Xustiza, representado polo Secretario Xeral para a Innovación e Calidade do Servizo Público de Xustiza a fin de analizar a situación actual e a aplicación dos servizos mínimos esenciais na Administración de Xustiza. A lo menos tivemos contacto directo cos responsables ministeriais para transmitirlle as eivas que estamos detectando, que é moito máis do que se pode dicir dos responsables autonómicos galegos, que parecen que andan escapados e que, no canto de querer sumar apoios para afrontar esta crise, máis parece que desprezan a nosa axuda, colaboración e dialogo neste tema, pois resulta unha tarefa árdua dificil contactar con eles e tomar decisions colexiadamente ou, cando menos, escoitando aos representantes dos traballadores, para que así se estableza unha correa de transmisión da información de forma eficiente e veraz. A planificación de como comunicarnos era unha das cousas importantes que tiñamos que ter falado e planificado o venres pasado, cando houbo mesa sectorial e ainda puidemos ter una xuntanza persoal pero a administración, co apoio de determinadas centrais sindicais, preferiu tratar de xeito principal outros temas menos importantes nestes momentos. A estas alturas seguimos sen ter liña directa cos responsables autonómicos e creado un órgano para a xestión da crise que poda comunicarse axilmente e no que estean presentes os distintos colectivos da Administración de Xustiza para dese xeito coordinar as medidas que teñen que ir implementado.
Ligazón nota informativa xuntanza Minsiterio de Xustiza:
Comentarios
Publicar un comentario