Onte pola tarde a CIG asistiu á convocatoria que o novo Ministro de Xustiza fixo a
todos os sindicatos representativos do sector (CCOO, UGT, ELA, así como os
corporativos CSIF e STAJ). A xuntanza serviu para unha primeira toma de
contacto co novo Departamento, o cal se mostrou disposto a iniciar unha nova
liña de comunicación aberta e permanente para poder coñecer de primeira man as
necesidades e melloras da nosa Administración. O Ministro aproveitou para
presentar as que van ser as súas liñas de traballo para esta lexislatura e que
estarán recollidas no Plan 2030 para a Xustiza. Ofreceuse a negociar todos
aqueles puntos que afecten ao persoal, garantindo que non se vai pechar ningunha oficina nin de xulgados nin de
Rexistro civil (431 oficinas en todo o Estado). Este último seguirá atendido
por persoal de Xustiza e a entrada en funcionamento do novo sistema vai ser progresiva e previa negociación. Apostará
polos xulgados de Instancia así como que a sexa a Fiscalía a que leve a
instrución.
Pola nosa banda esiximos as seguintes
cuestións:
-Mantemento de todas as oficinas do
Rexistro Civil, garantindo a súa atención exclusiva por persoal da
Administración de Xustiza.
-Revisión da Lei de Demarcación e Planta
para a creación de Xulgados comarcalizados exclusivos de Violencia sobre a
Muller. Mantemento tamén de todos os partidos xudiciais existentes en Galiza.
-Instauración da carreira profesional na
Administración de Xustiza, xa que a LOPX establece que é unha competencia exclusiva do Ministerio de
Xustiza (Art. 519 3. Mediante Real
Decreto, previa negociación con las organizaciones sindicales, se establecerán
los criterios, requisitos y las cuantías iniciales del complemento de carrera
profesional que será igual para todos los cuerpos con independencia de donde
presten sus servicios).
- Recuperación total dos dereitos vixentes
antes dos recortes do Decretazo 20/2012: xornada laboral de 7 horas diarias,
recuperación do IPC perdido, prestacións da Muxexu, ...
- Unificación á alza do complemento xeral
do posto.
- Modificación da Orde de gardas,
adecuando os horarios e tempos de descanso á normativa europea, así como a
revisión das retribucións. Instauración do sistema de gardas de 24 horas para
as cidades de Vigo e A Coruña.
- Promoción Interna: recuperación do 50%
das prazas para todos os corpos,
incluíndo de Xestión PA a LAX, así como a supresión da oralidade no exame.
- Concurso de traslado: adaptar os tempos
da resolución para conciliar a mobilidade familiar.
Comentarios
Publicar un comentario