A Dirección Xeral de Xustiza so atende, literalmente, ao manifestado por parte das autoridades xudiciais, a lo menos así o reflicte na sua última Resolución de 17 de marzo de 2020, pero nada indica de ter tido en consideración as traballadoras e traballadores da administración de xustiza nin aos seus representantes sinidicais, nin de antender as multiples peticións realizadas desde as mesmas, a fin de tentar minimizar ao máximo posible a incidencia do coronavirus nesas traballadoras/es, esixindo as medidas de protección Parece como se na adminsitración de xustiza so houbera Maxistrados, Fiscais e Letrados que, precisamente son os que, en base as quendas establecidas, non van a estar máis que uns poucos por cada orde xurisdicional. Curiosamente a Dirección Xeral de Xustiza traslada a Resolución ministerial agas no que atinxe ao permiso especial de ausencia das traballadoras/es maiores de 60 anos. Nestes intres tanto o Minsiterio de Sanidade como o de Xustiza entenden como grupo de risco aos maiores de 60 anos e fixan éste como motivo de ausencia e a Dirección Xeral, saltándose a directriz estatal e arrogándose unha competencia que legalmente non ten, considera que dito grupo de funcionarias/os non son de risco e que polo tanto non están contemplados entre os posibles solicitantes do permiso especial de ausencia ao posto de traballo.
Agora ben, se os prazos procesuais están suspendidos, os Xuices e Letrados están a quendas (ou teletraballo -menuda risa-), a maioría dos xuízos están ou van ser suspendidos (a lo menos os non vitais ou urxentes), non sería máis normal deixar só cada día, nas respectivas poboacións, un ou dous xulgados de garda de cada unha das ordes xurisdiccionais que, co cadro de persoal necesario poida atender as cuestións urxentes que houbera que realizar en cada unha desas ordes, co que a planificación dese traballo urxente se pode levar a cabo de xeito máis efectivo tanto polas oficinas de reparto como polos propios xulgados ao saberse en todo momento polo calendario de quendas realizado que xulgado está de garda en todo momento.
En definitiva, a Xunta co seu desleixo deixa que xuíces, fiscais e letrados tomen o mando nesta administración, coloca en situación máis vulnerable ao persoal da Admón. de Xustiza e, seguro que nos pide responsabilidade, cando eles non están a tela nin a exercela.
Nós non imos a ser vasallos nin submisos e denunciaremos todas as tropelías que se están a levar a cabo por parte desta administración. Non lle debemos nada. Alá cada un coa súa concencia, se é que a ten.
Ligazón 2ª Resolución de Servizos Esenciais:
Ligazón Instrución explicativa servizos esenciais:
Ligazón modelo solicitude permiso deber inexcusable:
Comentarios
Publicar un comentario