NOVOS EPIS DISTRIBUIDOS POLO MINISTERIO DE XUSTIZA

O Ministerio de Xustiza indicou nunha nota difundida hoxe que levan traballando intensamente desde o sábado, momento no que adquiriron unha nova remesa de EPIs. Esta nova partida urxente de materiais preventivos, incluíndo máscaras, recibiranse na sedes xudiciais entre hoxe luns e mañá martes. Este envío é un complemento previo ao envío máis amplo do material que se pretende recibir o 1 de abril, e ser repartido igualmente nos dous días subseguintes. A primeira distribución, que comprendeu máis de 600 dispensadores de xel de 0.5 litros e case 100.000 luvas proporcionadas por Correos, realizouse na semana do 23 de marzo. O envío que se anuncia agora chegará aos 432 partidos xudiciais e componse de 41.000 máscaras, 164.600 luvas e 16.356 xeles. Por último, o envío amplo repartirase en tres entregas separadas por uns días entre elas. Esta partida está composta xa por unha cantidade importante de 175.000 máscaras cirúrxicas, 350.000 luvas de látex e 30.000 dispensadores de 0.5 litros de xel. A repartición entre todos os partidos xudiciais do Estado dos equipos de protección individual adquiridos polo Ministerio de Xustiza, fíxose atendendo a criterios de proporcionalidade ao número de persoas que están a atender os servizos esenciais, así como ao número de órganos xudiciais existentes no partido xudicial. Tivéronse tamén en conta factores de corrección como son os de ser capital de provincia e polo tanto ter órganos con competencia provincial (xulgados penais con xuízos non suspendidos, menores, etc) así como, nalgún caso, a maior incidencia da crise nalgún territorio (casos de Madrid e Barcelona).