O MINISTERIO DE XUSTIZA, EN CONTACTO COAS COMUNIDADE AUTÓNOMAS, ESTABLECE NOVAS DIRECTRICES PARA SERVIZOS ESENCIAIS

O Ministerio de Xustiza ditou hoxe unha resolución na que se establecen as novas directrices para o cumprimento dos servizos esenciais nos xulgados e tribunais durante a vixencia do estado de alarma para a contención do COVID-19. As novas medidas acordáronse en diálogo permanente coas comunidades autónomas. O ministro Juan Carlos Campo, xunto co secretario de Estado, Pablo Zapatero, e o secretario xeral para a Innovación e Calidade do Servizo Público de Xustiza, Borja Vargues, mantiveron esta mañá unha videoconferencia con 12 conselleiros autonómicos para coordinar con eles as novas instrucións. Entendemos que a Dirección Xeral de Xustiza replicará dita resolución adaptándoa ao territorio de Galiza.

Cabe salientar que unha das medidas instauradas é a posibilidade de exención das quendas de servizos mínimos dos maiores de 60 anos e dos que teñan solicitado permiso por deber inexcusable por coidado de fillos ou persoas maiores a cargo. Agora só queda que a Xunta traspoña dita resolución ao noso ámbito.

Ligazón Resolución Ministerio.

https://www.mjusticia.gob.es/cs/Satellite/Portal/1292429893727?blobheader=application%2Fpdf&blobheadername1=Content-Disposition&blobheadername2=Medios&blobheadervalue1=attachment%3B+filename%3D200316_Resoluci%C3%B3n_directrives_servicios_esenciales.pdf&blobheadervalue2=1288809809646