Disposición adicional terceira. Servizos esenciais na Administración de Xustiza.
Os xuíces, fiscais, letrados da Administración de Xustiza e demais persoal ao servizo da mesma seguirán atendendo as actuacións procesuais non suspendidas polo Real Decreto 463/2020, do 14 de marzo, polo que se declara o estado de alarma para a xestión da situación de crise sanitaria ocasionada polo COVID-19, e, desta maneira, cumprirán cos servizos esenciais fixados consensuadamente polo Ministerio de Xustiza, o Consello Xeral do Poder Xudicial, a Fiscalía Xeral do Estado e as comunidades autónomas con competencias na materia, e plasmados na Resolución do Secretario de Estado de Xustiza de data 14 de marzo de 2020, coas adaptacións que no seu caso sexan necesarias á vista do disposto no presente Real Decreto-Lei. Así mesmo, continuarán prestando servizos o persoal de Administración de Xustiza que sexa necesario para a prestación de servizos esenciais do Rexistro Civil conforme ás Instrucións do Ministerio de Xustiza.
Ligazón Resolución de Adaptación:
Comentarios
Publicar un comentario