A continuación vos indicamos o tratado na xuntanza de onte en Función Pública Autonómica e un resume das medidas adoptadas. Na ligazón de abaixo podedes consultar a publicación no DOG das mesmas. No eido de Xustiza hoxe deberían de acordarse medidas específicas e concretas para dito sector
*Despois de que a CIG lévase días reclamando aos
responsábeis políticos da Administración Autonómica a convocatoria
urxente dos comités de prevención de riscos laborais para tomar medidas e
que nos preparásemos para o risco que supón a infección de COVID19, por
fin a Xunta esperta e comeza a tomar conciencia da magnitude do
problema.*
*O xoves 12
acudimos á xuntanza convocada polo director xeral de Función Pública.
Subliñando o valor da información e fuxindo do alarmismo desmesurado, a
CIG acolle as medidas propostas polos responsábeis da Administración, e
que serán publicadas no DOG do venres 13.*
Se ven a maioría das medidas son de carácter personal e individual, tamén propoñen medidas organizativas.
*Medidas en caso de síntomas:*
▪Teléfono de informacion 900400116 (de balde).
▪ Teléfono de informacion para casos de sintomatoloxía: 061.
▪
*Se os síntomas aparecen no seu domicilio,* deberá comunicalo ao 061
-tal e como estableceron as autoridades sanitarias- e non acudirá ao
centro de traballo. Deberá comunicar á súa unidade a situación e a súa
ausencia será considerada como xustificada.
▪ *Se
os síntomas aparecen no posto de traballo,* o empregado deberá informar
ao seu superior, trasladarase de inmediato a un espazo cerrado e porase
en contacto con 061 para adoptar as medidas que indiquen as autoridades
sanitarias. Os responsables de persoal serán os encargados de ditar as
instrucións para ventilar ben o espazo e que se limpe cunha solución de
hipoclorito sódico.
*Medidas como consecuencia peche centros:*
▪
*Persoal dos centros docentes:* acudirá ao posto de traballo, agas
indicación en contra (van tratar de dar clases telemáticas).
▪
*Persoas con fillos ou maiores a cargo:* adoptar medidas especiais de
flexibilidade da xornada laboral, sen suxeición aos límites horarios
previstos na normativa. De ser imprescindible, tamén se permitirá a
presenza do persoal no seu domicilio. En caso de que ambos proxenitores
ou responsables teñan a condición de empregados públicos non poderán
empregar estas medidas de forma simultánea. As ausencias xustificaranse
como deber inexcusable.
*Outras medidas:*
▪ *Formación:* pasarase a teleformación.
▪ *Procesos selectivos en marcha:* suspenderanse durante tres meses.
▪ *Viaxes de traballo:* pospoñeranse todos os non imprescindibles.
▪
Ademais, se nalgún momento as recomendacións sanitarias o aconsellasen,
desde a Xunta poderanse adoptar medidas de posta en marcha de
teletraballo para preservar a saúde da persoas dos distintos centros.
▪ *Rexistro e atención ao público:*
Ademais de trasladar toda a información necesaria ao persoal, incidindo
nas medidas hixiénicas, reforzarase a limpeza das instalacións con
produtos desinfectantes e disporase dos elementos necesarios de hixiene,
como o xel hidroalcóholico e xabón. Neste ámbito, tamén se lle
facilitará ao persoal que atende ao público o acceso aos aseos co
obxectivo de que poidan lavar as mans coa frecuencia que precisen.
Ademais, disporase dunha distancia de polo menos un metro co público e
evitarase o contacto físico. Tamén se controlará, na medida do posible, a
afluencia de público co fin de evitar aglomeracións nas zonas de
espera. De haber persoal especialmente sensible nestas oficinas, deberán
comunicalo ao seu superior para adoptar as medidas específicas
necesarias para o seu caso.
▪ Permitirase que
*persoal especialmente sensible* poida ausentarse do seu posto de
traballo se hai unha recomendación sanitaria que así o indique. Isto
incluiría a persoas con patoloxías concurrentes ou enfermidades
crónicas, mulleres embarazadas ou persoas con fillos menores de idade
e/ou persoas dependentes ao seu cargo.
▪ *A Axencia Tributaria faranselle extensibles estas accións.*
*A MAIORES, DENDE A CIG SOLICITAMOS:*
Ampliar o espazo de separacion entre persoas a *2 metros.*
*Suspender* computo de *prazos.*
*Suspender trámites non indispensables* (permisos de queimas, solicitudes..).
Instruccións específicas cara ás persoas responsábeis de centros nas
que se prohíba levar a roupa de traballo a lavar para casa, se dote do
material suficiente, plan de limpeza. Especial fincapé en centros de día
e residencias de maiores.
Que se *aumente automaticamente o número de xornadas de teletraballo* a todo o persoal que xa o ten concedido.
Que se *atenda ao público mediante cita previa* ou algún outro sistema de control para evitar amoreamentos.
Que se *convoquen aos comités de seguridade e saude laboral* con este
punto único para o control e avaliación destas medidas e outras
complementarias concretas que se consideren necesarias.
➖➖➖➖➖➖➖➖➖➖➖
*DENDE
A CIG PEDIMOS UN EXERCICIO DE SOLIDARIDADE COLECTIVA AXUDANDO A MANTER
OS SERVIZOS PÚBLICOS ESENCIAS COA MAIOR NORMALIDADE POSIBLE TENDO EN
CONTA A SALVAGARDA DA SAÚDE PERSOAL E DAS PERSOAS USUARIAS.*
Ligazón DOG:
Comentarios
Publicar un comentario