A Comisión de Seguemento da Crise Sanitaria polo Coronavirus Covid-19 acordou na súa sesión do pasado 23/04/2020, a instancias da CIG que, en relación coa expedición de licenzas de enterramento nas fins de semana e festivos, dado que a situación na nosa
comunidade non é tan preocupante como noutras, unificar o
criterio e autorizar que os xulgados de garda asuman as licenzas de enterramento neses días, xa que actualmente había Rexistros Civis que tiñan que facer horario ata as 20:00 horas de luns a venres e tamen se lles esixía traballar os sábados e os domingos, contradecindo dita situación a cautela de manter o menor número de efectivos presenciais necesarios. Prevaleceu a lóxica e validouse o criterio esgrimido pola CIG, ao ser Galiza unha comunidade onde os falecementos non se incrementaron de xeito exponencial.
A comisión indicou tamén que, nos Rexistros civís das sete grandes cidades, os respectivos Sres. Letrados da Administración de Xustiza poderán chamar a máis persoal para a atención telefónica e
do recibido por correo electrónico, para así cumprimentar as esixencias
reguladas normativamente, evitando así o traslado
dos cidadáns ás dependencias dos anteditos Rexistros Civís.
Ligazón Acta Comisión Covid-19 - 23-04-2020:
http://www.poderjudicial.es/stfls/TRIBUNALES%20SUPERIORES%20DE%20JUSTICIA/TSJ%20Galicia/ACTAS%20COVID-19/FICHEROS/20200423%20Acta%20de%20la%20Comisi%C3%B3n%20de%20Seguimiento%20para%20el%20COVID-19%20-%20TSJ%20Galicia.pdf
Ligazón Acta Comisión Covid-19 - 23-04-2020:
http://www.poderjudicial.es/stfls/TRIBUNALES%20SUPERIORES%20DE%20JUSTICIA/TSJ%20Galicia/ACTAS%20COVID-19/FICHEROS/20200423%20Acta%20de%20la%20Comisi%C3%B3n%20de%20Seguimiento%20para%20el%20COVID-19%20-%20TSJ%20Galicia.pdf
Comentarios
Publicar un comentario