A CIG xa trasladou á Dirección Xeral na pasada videoconferencia a súa petición de que o teletraballo non seguira medrando sen control xa que entendemos que dita prestación do servizo debería de estar reservada, en principio, para aquelas traballadoras/es especialmente vulnerables ou que teñan obrigas familiares que lles dificulten a asistencia presencial, máis ala de empregar tamén este sistema para a protección da saúde das traballadoras/es naqueles dependencias xudiciais onde non sexa posible, polo espacio dispoñible, o respeto ás medidas de seguridade e saude laboral fixadas. Para isto resulta imprescindible unha planificación exhaustiva dos postos que se poden dotar para teletraballo, dos traballadores dispostos a facelo, dos organismos nos que se pode implementar, nas dependencias nas que e necesario facelo por motivo do espazo, etc. Tamén debe de procederse a avaliación de ditos postos de traballo, ainda que quizais non neste primeiro momento de premura pero si de cara ao medio-longo prazo. Así mesmo traladouselle a necesidade de que os equipos que se teñan que usar para teletraballo deben ser facilitados pola propia adminsitración autonómica por un principio básico de seguridade e de prestación do servizo por parte dun traballador público.
Sen prexuízo do aquí indicado e, a efectos informativos, deixámosvos a documentación necesaria para realizar a solicitude de teletraballo que, como xa indicamos anteriormente, a súa concesión deberia de ser tasada pola administración autonómica, máxime tendo en conta que a prestación do teletraballo non exime da prestación das quendas correspondentes, no caso dos traballadores que poden acudir presencialmente aos órganos.
Ligazón nota informativa teletraballo:
Ligazón infografia:
Ligazón solicitude:
Comentarios
Publicar un comentario