No DOG de hoxe, 3 de abril, publícase a RESOLUCIÓN do 24 de marzo de 2020, pola
que se convoca o programa de autoformación para o persoal ao servizo das
administracións territoriais, institucionais e entes públicos
instrumentais do sector público da Comunidade Autónoma, así como para o
persoal da Administración de xustiza de Galicia e de administración e
servizos (PAS) das tres universidades do Sistema universitario de
Galicia (SUG).
O persoal ao servizo das diferentes administracións da Comunidade Autónoma de Galicia que desexe participar no programa de autoformación dispón de dúas opcións, compatibles entre elas pero independentes unha da outra:
1) Por unha banda pode acceder aos contidos das actividades sen máis trámite que o de inscribirse na zona de matrícula da EGAP, tal e como se prevé no anexo I.
A inscrición para o acceso só aos contidos pode facerse en calquera momento a partir do día seguinte ao da publicación desta resolución no Diario Oficial de Galicia, é dicir, do 4 de abril de 2020 ata o 20 de decembro de 2020.
2) Por outra banda, pode solicitar presentarse ás probas de avaliación reguladas no anexo II. Cómpre ter en conta que o acceso aos contidos non implica a obriga de presentarse ás probas de avaliación, nin é tampouco un requisito para matricularse nelas.
O prazo de presentación de solicitudes de avaliación será de 20 días a partir do día seguinte ao da publicación desta resolución no Diario Oficial de Galicia, é dicir, do 6 de abril de 2020 ata o 6 de maio de 2020.
Ligazón zona de matrícula:
Ligazón EGAP:
Ligazón DOG:
Comentarios
Publicar un comentario