Segundo nos acaba de confirmar o Ministerio de Xustiza, que mañán 30 de abril, haberá unha videoconferencia para tratar de pulir e negociar os aspectos básicos establecidos no Real Decreto-Lei 16/2020, tales como teletraballo, horarios de mañan e tarde, mobilidade, etc. A CIG enviará hoxe as súas alegacións para que a videoconferencia resulte o máis axil posible a hora de coñecer o parecer da administración ás propostas realizadas.
Así mesmo indicar que a propia norma establece no seu artigo 27, apartado 2, que é o Ministerio de Xustiza ou as Comunidades Autónomas as que establecerán a distribución da xornada e a fixación dos horarios, de conformidade co establecido na LOPX. Así pois, requeriremos tamén á administración autonómica, para que se convoque a mesa sectorial de xustiza a fin de negociar aqueles extremos do Real Decreto cuxo desenvolvemento sexan de competencia autonómica. Xa na videoconferencia realizada onte coa Dirección Xeral de Xustiza, no eido da Comisión de Saúde Laboral, xa se lle trasladaron á administración autonómica, parte das alegacións que deberían ter en conta nalgúns dos aspectos regulados no citado Real Decreto, xa que nese momento descoñecíase o texto oficial definitivo de dita norma.
Comentarios
Publicar un comentario