O pasado día 6 de abril a MUXEXU comunicaba a imposibilidade de pagar as incapacidades temporais a partir do 6 mes de baixa. Con todo, a Mutualidade Xeral Xudicial continuou buscando diferentes alternativas para facer fronte aos pagos dos complementos correspondentes ao subsidio por IT e por iso, no Real Decreto-lei 13/2020, do 7 de abril, na Disposición adicional quinta, garantese o abono das retribucións aos mutualistas de MUFACE e de MUXEXU en situación de incapacidade temporal durante a vixencia do estado de alarma. Polo tanto, aquelas/es mutualistas de MUXEXU que, desde a declaración do estado de alarma, alcancen ou alcanzasen o día 181 en situación de incapacidade temporal, percibirán o 100% das súas retribucións a través dos seus correspondentes órganos de persoal, na súa nómina ordinaria. Posteriormente, MUXEXU compensará ao órgano de persoal que continuou abonando esas retribucións, previa acreditación do cumprimento dos requisitos.
Desta forma, a/o mutualista recibirá o 100% dos seus complementos no mesmo instante e evitaranse as eventuais dilacións, que en ocasións pode dar lugar, a transferencia de documentación entre os órganos de persoal e a Mutualidade Xeral Xudicial.
Ligazón MUXEXU:
Comentarios
Publicar un comentario