O pasado 17 de abril publicouse o Acordo do Centro de Coordinación Operativa da situación de emerxencia sanitaria no territorio da Comunidade Autónoma de Galicia (Cecop), polo que se establece a Guía preventiva ante o coronavirus no ámbito da Administración Xeral da Comunidade Autónoma de Galicia, cuxo obxecto é, en aplicación dos procedementos de actuación aprobados polas autoridades estatais, establecer o protocolo interno de actuación á hora de abordar a prevención da infección do coronavirus desde a óptica da súa prevención no eido laboral, así como establecer os mecanismos de protección dos traballadores, con especial referencia a aqueles potencialmente sensibles.
Na videoconferencia mantida onte, 28 de abril, trasladóuselle á Dirección Xeral de Xustiza a necesidade de publicar unha Instrución na que se detallen os pasos a seguir polas traballadoras/es a hora de ter que xestionar a partir do inicio do proceso de desescalda a solicitude de especial sensibilidade. Debe de indicarse a quen ten que ir dirixida dita solicitude e de que documentación xustificativa ten que dotarse a mesma. A canle a usar para remitir ditas solicitudes debería de ser a OPAX.
A partir do momento en que a Dirección Xeral poña en marcha este procedemento e concrete o órgano receptor das peticions, aquelas traballadoras/es especialmente sensibles deberán realizar as súas solicitudes polo cauce establecido a fin de determinar se resulta necesaria a adaptación de posto, o cambio do mesmo ou pasar á situación de IT por especial sensibilidade (O Ministerio de Sanidade definiu como grupos epecialmente sensibles para COVID 19 ás persoas con diabetes, enfermidade cardiovascular, incluida hipertensión, enfermidade pulmonar crónica, inmunodeficiencia, cancro en fase de tratamiento activo, embarazo e maiores de 60 anos.
Ligazón Guía preventiva ante o Coronavirus:
https://drive.google.com/file/d/1p8wSPaimPRE7REi5wseCap4dHikXUcfD/view?usp=sharing
Comentarios
Publicar un comentario