O Ministerio de Xustiza trasladounos un borrador sobre o proxecto de teletraballo que vai implementar no seu territorio e que pretende que sexa á súa vez exemplo e acicate para o resto de Comunidades Autónomas.
Nas nosas alegacións indicamos que, ademais do teletraballo, debe de potenciarse nestes meses tamén a creación e dotación de Servizos Comúns de Atención ao Cidadán que eviten consultas órgano a órgano, o que repercutirá na seguridade e a saúde de traballadores e dos propios cidadáns, ao non ter que andar pululando os mesmos por todas as dependencias xudiciais a fin de recabar información sobre os seus procedementos. Así mesmo, deben de poder establecerse servizos de cita previa neses órganos e noutros que puidesen ser susceptibles desta medida.
En canto á prestación do teletraballo, estando de acordo co carácter voluntario da adopción do mesmo, cremos que, a este respecto, débese establecerse unha preferencia permanente (non só na primeira fase como establece o borrador) para aquel persoal que estea en situación de vulnerabilidade ou que deba cumprir cun deber inescusable en relación co coidado de fillos ou persoas maiores dependentes.
Nesta primeira fase, resulta imprescindible coñecer primeiro o número de voluntarios que cumpran todos os requisitos, atendendo á xurisdición onde se poida adaptar antes este modo de traballo e, escalonadamente, introducilo máis paulatinamente naquelas que requiran máis tempo. Un exemplo claro é as fiscalías, onde adoitamos atoparnos con servizos moi grandes, dotados cun persoal numeroso e que polo seu labor son quizais uns dos servizos máis idóneos para implementar esta primeira fase. Para esta fase de selección de posibles candidatos voluntarios resulta imprescindible a inmediatez, polo que o normal sería crear un formulario web, ben a través de AINOA (OPAX en Galiza), ben a través da remisión dunha ligazón de acceso ao devandito formulario web, remitido a través do correo corporativo, cunha dobre securización, remitindo con posterioridade unha segunda ligazón de confirmación, ben ao propio correo corporativo ben ao teléfono mobil autorizando expresamente esta forma de comunicación.
Ligazón proxecto teletraballo Ministerio:
Comentarios
Publicar un comentario