Esta é a contestación da administración autonómica: "Ante
as numerosas consultas formuladas sobre o establecido no apartado 5
referente ao horario da Resolución de 11/05/2020 aclárase que, por
horario ordinario debe entenderse
o establecido no artigo 4 da Orde de 18 de xuño de 2014". En consecuencia, se se aplica o establecido na citada Orde, o horario sería de 6 horas fixas e 1 hora flexible.
Curiosamente esta mesma Orde de 18 de xuño de 2014 estaba tamén vixente cando se ditou a Resolución de 24 de marzo de 2020 onde se indicaba que o horario era de 5 horas, de 9:00 a 14:00 horas, mentras durara o estado de alarma e, nesa resolución, non se supendía temporalmente a aplicación de dita Orde. A Resolución de 24 de marzo de 2020 tampouco está derrogada pola actual Resolución de 11 de maio de 2020.
O que tamén resulta sorprendente e que con esta decisión imos facer máis horas na fase 1 que na fase 2 cando polo principio de cautela deberiamos estar menos tempo nos xulgados nesta primeira fase.
En fin, aínda que pareza inútil (esta fase 1 ten unha duración moi limitada no tempo) intentaremos ver a posibilidade de recorrer a Resolución de 11/05/2020.
Comentarios
Publicar un comentario