Ante os correos electrónicos enviados pola empresa privada Cualtis as
traballadoras/es sobre a valoración da súa situación de especial
vulnerabilidade, por padecer determinadas enfermidades que poderían agravarse cun contaxio por Covid-19, a CIG remitiu un correo electrónico as/os responsables autonómicos indicando que entendemos que o expediente administrativo posto en marcha coa remisión da solicitude inicial dirixida ao Servizo de Prevención, debe de culminarse agora cunha resolución final por parte da Dirección Xeral de Xustiza, previa proposta do Servizo de Prevención, sobre a
necesidade de solicitar IT, ou sobre a reincorporación da
traballadora/traballador ao seu posto de traballo, coas medidas
preventivas necesarias, xa que doutro xeito estaría a vulnerarse o dereito das traballadoras/es a poder recorrer dito acto administrativo se non estiveran conforme coa dita valoración e consecuente reincorporación ao traballo.
Ante esta petición a adminsitración ven de convocar para este venres 12 de xuño unha xuntanza do Comité de Seguridade e Saúde Laboral para ver de tratar este tema e sacar algo en claro e poder comunicar finalmente o procedemento a seguir polas traballadoras/es que se atopen nesta situación.
Comentarios
Publicar un comentario