Saltar ao contido principal

A CIG ABANDONA A ÚLTIMA MESA SECTORIAL DE MADRID

O pasado martes, 30 de xuño, o Ministeiro convocounos, xunto coas centrais sinidicais ELA, CSI-F, STAJ, CCOO e UXT a unha xuntaza para analizar o proxecto de plan de actuación Covid-19, do que nos dera traslado o día anterior as 21:00 horas. Todas as centrais sindicais reprenderon a actuación do Ministerio, de enviar un proxecto desta importancia para o seu análise e para formular alegacións con nin tan sequera 24 horas de antelación, pero dita reprimenda quedou nun "Ministerio, maliño, maliño, isto non se fai así", para acto seguido botar as consabidas peroratas e presentar unha serie de alegacións que, como ven sendo habitual, alo menos nas últimas xuntanzas cos responsables ministeriais, non deixa de ser máis que un paripé de negociación, cando un sospeita, máis ben, que tal cantidade de papel e empregada, dun xeito ecolóxico, para facer tiras duns 10 cm de ancho, pegar as mesmas, e acabar facendo un rolo que teña un mellor e máis noble propósito nos aseos ministeriais. Non será un papel suave para o novo uso que se lle vai dar, pero os españoles están acostumbrados ao "Papel Elefante", de aspecto moito máis recio e duro que o actual papel branco A4. 
Durante todo o estado de alarma a CIG realizou múltiples alegacións a todos e cada un dos proxectos ministeriais presentados a debate, porque entendía que no momento da crise había que traballar arreo, con premura de tempo e ser constructivos para sacar os temas cara adiante, pero a posición da CIG neste momento de "retorno a normalidade"  foi o de non consentirlle a administración estatal este ninguneo, pois non é de recibo poñer enriba da mesa este borrador de plan de actuación con tan pouquisimo tempo para o seu análise, motivo polo cal non só se lles reprendeu por dita actitude, se non que se lles comunicou que a CIG non ia facer alegacións ata en tanto en canto non se remitira este documento con tempo suficiente para poder realizar a súa lectura e análise pormenorizado e que, en consecuencia, se abandonaba esa mesa sectorial nese momento.

Comentarios

Publicacións populares deste blog

COMUNICADO DA CIG ANTE A FOLGA DE XUSTIZA

Ante a información aparecida na prensa no día de hoxe sobre o anuncio por parte de varias organizacións sindicais dunha convocatoria de folga na Administración de Xustiza queremos precisar:   - Que a CIG apoia as mobilizacións que se produzan reivindicando un aumento retributivo para todos os corpos, así como o recoñecemento das funcións reais de cada un deles.   - Que apoiamos, como fixemos ate o de agora, a solicitude dunha negociación real da LOEO co Ministerio, instando a que se paralice a súa tramitación mestres esta non se produza.   - Que, en virtude diso, apoiamos e participaremos na concentración de delegados e delegadas prevista para o día 12 de abril en Madrid e todas aquelas que neste senso se produzan.   - Que a CIG non convocará folga indefinida na Administración de Xustiza en Galicia; está aínda moi recente o acontecido na folga do 2018, con consecuencias nefastas para tod@s e pensamos, porque así tamén nolo transmiten os compañeiros e compañeiras, que non debemos unirno

MOBILIZACIÓNS EN MADRID SOBRE NEGOCIACIÓN DA LOEO, DETALLE DE FUNCIÓNS E MELLORAS SALARIAIS

  As/os delegadas/os da CIG Xustiza estiveron esta mañá na concentración convocada diante do Ministerio en Madrid apoiando as mobilizacións que se están a levar a cabo solicitando a paralización da tramitación da LOEO, unha regulación máis detallada das funcións dos distintos corpos así como un aumento salarial acorde a esas funcións.

NOVOS PERMISOS FAMILIARES EBEP

Mentras non se mude a OPAX haberá que facer a petición dos permisos a través dos modelos que vos deixamos na ligazón. Ligazón folla informativa e modelos: https://drive.google.com/file/d/1MPr5QqScvQRMwysy7gh6SzErzD0lrRKo/view?usp=sharing