Asistimos perplexos á forma errática de
actuar da administración (non sabemos se a xudicial, a sanitaria ou
ambas) ante os casos positivos detectados nos órganos xudiciais en todo o
territorio galego. Un dos casos curiosos deuse nesta semana pasada en
Vigo onde, polo caso positivo da maxistrada dun Xulgado de 1ª Instancia
de Vigo, só se lle fixo a PCR a dita maxistrada, enviando a mesma ao
confinamento domiciliario, mentres que ao resto de persoal do órgano
xudicial nin se lles fixo a dita PCR por contacto directo cun positivo,
nin se lles enviou a gardar corentena no seu domiclio. Estes episodios estanse a producir, tristemente, ao longo de toda Galiza (A Coruña, Lugo, Ourense, Compostela...)
O
seguinte caso é o dunha sección da Audiencia Provincial, tamén en Vigo,
onde o positivo por Covid-19 detectouse nunha traballadora do centro,
caso no que se fixeron probas PCR todo o mundo, confinamento para a
implicada e corentena para todo o resto do persoal xeral, maxistrados e letrada (esta última, por certo, tivo que facerse a PCR ela pola súa conta).
Cal é o elemento
común e cal é o disonante nestas dúas historias e que chama moito a atención, pois que mentras a
"superioridade" este protexida os demais, os corpos xerais, importan
pouco. No primeiro caso á maxistrada xa se lle fixo a PCR e, como deu
positivo, pois a gardar confinamento para casa e nos esquecemos do
resto de traballadoras/es en contacto directo con dita maxistrada e, no
segundo caso, como o positivo foi unha traballadora, non só ian mandar a
dita traballadora a gardar confinamento na súa casa e que os
maxistrados quedaran sen facer a PCR e, como non se lles podía facer só a
eles (quedaría feo), pois probas PCR para toda a sección da Audiencia
Provincial.
De todos os casos que se levan
producido na nosa Comunidade, nin houbo PCR para o persoal con
contacto directo cun positivo, nin corentena, algo que se pediu
repetidamente por este sindicato dende o mes de marzo tal e como se
establece na regra fixada por sanidad: "contacto directo cun positivo
por máis de 15 minutos, realización de PCR e corentena".
Benvidas sexan as probas e a corentena,
pero para todas e en todos os casos. Despois nos estrañamos de que
esteamos nesta situación; isto era un pouco comprensible en marzo, pero
neste momento é intolerable e trataremos de facer o que estea nas nosa s
mans para que non se produzan estas situacións dispares.
Comentarios
Publicar un comentario