Como o propio título indica e, resumindo o acontecido hoxe na mesa de negociación, a nosa central sindical a traballar e as demais a mirar. Como precisamente non nos adicamos as labores de "xestoria" como principal actividade sindical, tivemos tempo para analizar e realizar porpostas e levamos o traballo feito para desmontar o proxecto presentado pola administración para modificar a regulamentación actual da bolsa de traballo de persoal interino. Mentras nós prantexabamos alternativas, coma sempre dun xeito constructivo, os demais quedaban pasmados coa realidade e propostas que estabamos a trasmitir, máis aló de opoñerse simple e airadamente, para que a administración autonómica recuase na súa proposta e analizara con máis tino a situación que poderían xerar de levar a cabo a modificación que pretendían.
A CIG presentou propostas a varios escenarios, defendendo neste momento, como xa fixeramos por escrito a semana pasada, a elaboración dunha listaxe de suplencias (dado o pouco tempo que levan estas bolsas en vigor), e que dita circunstancia non tivera incidencia sobre as persoas que as forman actualmente . Fomos a única central en expor o problema que provocaría a modificación da orde tal e como pretendía a DX, en relación co artigo 10 e a entrada directa de aprobados, o que suporía deixar fóra a toda a xente que está a traballar na actualidade.
Ligazón folla informativa:
https://drive.google.com/file/d/15Hzi70OHrFdqXWckuzdaYiviedKwd1me/view?usp=sharing
Comentarios
Publicar un comentario