OPOSICIÓNS 2019.- Segundo o Ministerio de Xustiza as convocatorias de oposicións para este ano 2021, con cargo á oferta de emprego público de 2019, está previsto que sexa, para a promoción interna no mes de abril e para quenda libre no mes de xuño de 2021. O Ministerio non baralla acumular ao 2019 a oferta de emprego público de 2020, xa que logo o acordo de consolidación de emprego é de 2017-2019. Non obstante, chegado o caso, igual cambia de opinión e acumula ambas ofertas de emprego público como fixo co periodo 2017-2018.
XESTIÓN PI: Está previsto que os nomeamentos se efectúen no BOE sobre o 28 de decembro, a fin de que compute este ano para que dito persoal poida participar no concurso de traslados de 2022.
AUXILIO QUENDA LIBRE: O Ministerio está a barallar, para poder realizar o examen que está pendente desta oposición, o mes de febreiro e marzo para a súa órganización, sempre tendo en conta o estado da situación pola pandemia do Covid-19. En todo caso vaise decentralizar moito máis do que estaba previsto para que dese xeito os opositores poidan acudir a aquela nova sede que lles quede máis preto do seu enderezo de residencia.
TRAMITACIÓN QUENDA LIBRE: O tribunal está a valorar 9000 instancias e probablemente ata mediados/finais de xaneiro non se terá o resultado da valoración dos méritos achegados na fase de concurso.
LETRADOS SUBSTITUTOS INTERINOS: O Ministerio agarda a ter a nova regulamentación das bolsas de letrados substitutos para finais deste ano 2020.
CONCURSO DE TRASLADOS MUXEXU: Neste punto, preguntado o Ministerio, indicou que era a súa intención publicar no BOE o concurso de MUXEXU probablemente na primeira quincena de xaneiro.
Comentarios
Publicar un comentario