Saltar ao contido principal

O CORPORATIVISMO XUDICIAL CONDENA A UN SINDICALISTA

Despois de case tres anos, algunha abstención, suspensións a última hora, cambio de maxistrados e tres horas de xuízo (cantos cartos malgastados), o compañeiro Javier F.C. foi condenado por un delicto leve de coaccións, a un mes de multa, cunha cota diaria de 6 euros e unha responsabilidade civil de 1 euro para a LAX denunciante, por unha erupción cutánea na cara, que tamén hai que dicilo, hai que ser moi bo médico para indicar, sen ningún xénero de dubidas, que dita erupción ven provocada pola situación vivida pola LAX.
O proceso, que se iniciou por unha dilixencia de constancia remitida á Secretaría de Goberno e, que a Fiscalía converteu en denuncia, derivou nun xuízo penal que foi finalmente celebrado por unha xuíza interina, en substitución da titular do Xulgado de Instrución nº 1, que se abstivo por manifestar “...que podería estar afectada a súa imparcialidade obxectiva...”, vamos, que xa tiña unha idea preconcebida ou unha convincción previa (non se sabe se a favor ou en contra dos denunciados) e por iso se abstivo. (
STC 11/2000, de 17 de enero , FJ 4) Na sentenza só se recolle o testemuño da denunciante (LAX) e de dúas das súas testemuñas (xuíces). Non se toma en consideración nada do manifestado nin polos denunciados, nin polas testemuñas directas dos feitos. Sen embargo, si se ten en conta a unha de referencia, que só sabe o que a denunciante lle contou, e outra que estaba no seu despacho e non viu nada... pero son xuíces, e os/as demais somos funcionarios/as e, por riba, sindicalistas en folga.
Como era demasiado evidente a falta de probas, non se atreveron a condenar  á outra compañeira, Chelo (segundo xuízo derivado da folga no que sae absolta),  pero tampouco podían deixar en evidencia a unha LAX e uns xuíces, polo que a  substituta finalmente emitiu unha sentenza condenatoria para Javier. Ao fin e ao cabo, el era o subordinado da LAX e cuestionou unha decisión súa, que era ilegal, ainda que iso non tivo relevancia para a xuiza substituta. Pouco  importou que Javier estivera alí como membro dun Comité de Folga, defendendo a unha compañeira.

Por se todo isto fora pouco, aínda faltan os expedientes disciplinarios, suspendidos ata o momento no que se resolva  definitivamente a vía penal.

Dende este sindicato consideramos inxusta esta sentenza, sobre todo  no tocante á responsabilidade civil, porque resulta claramente insuficiente a cantidade de 1 euro para solucionar o problema de cara que ten a LAX  denunciante.

Ligazón nova:

https://www.cig.gal/nova/cig-xustiza-denuncia-a-condena-a-un-sindicalista-polo-corporativismo-xudicial.html

Comentarios

Publicacións populares deste blog

MOBILIZACIÓNS EN MADRID SOBRE NEGOCIACIÓN DA LOEO, DETALLE DE FUNCIÓNS E MELLORAS SALARIAIS

  As/os delegadas/os da CIG Xustiza estiveron esta mañá na concentración convocada diante do Ministerio en Madrid apoiando as mobilizacións que se están a levar a cabo solicitando a paralización da tramitación da LOEO, unha regulación máis detallada das funcións dos distintos corpos así como un aumento salarial acorde a esas funcións.

NOVOS PERMISOS FAMILIARES EBEP

Mentras non se mude a OPAX haberá que facer a petición dos permisos a través dos modelos que vos deixamos na ligazón. Ligazón folla informativa e modelos: https://drive.google.com/file/d/1MPr5QqScvQRMwysy7gh6SzErzD0lrRKo/view?usp=sharing

MANIFESTACIÓN EN MADRID REIVINDICANDO MELLORAS NA LOEO, FUNCIÓNS E RETRIBUCIÓNS

Manifestación en Madrid sobre reclamación de melloras na negociación da LOEO, detalle de funcións e melloras retributivas para todo o estado.