O Ministerio de Xustiza trasladou hoxe as centrais sindicais presentes na Mesa Sectorial o seu criterio para o goce dos días de vacacións e días de asuntos particulares de aquí ao 31 de xaneiro de 2021.
Nunha decisión kafkiana, raiando o absurdo, o Ministerio acordou que, en interpretación do que se estableceu para a Administración Xeral do Estado pola Comisión Superior de Persoal, o goce das vacacións e días de asuntos particulares no territorio da súa competencia serían os seguintes:
VACACIÓNS: Como norma xeral as vacacións śo se poderán desfrutar ata o 31 de xaneiro de 2021.
De xeito excepcional, naqueles casos de denegación ou imposibiliade do goce das vacacións permitirase o goce das mesmas ata o 31 de marzo de 2021.
ASUNTOS PARTICULARES: Dos 10 días que hai este ano para asuntos particulares (sen ter en conta os que se poidan ter por antigüidade), 7 días terán que desfrutarse ata o 31 de xaneiro de 2021 e os outros 3 días restantes poderán desfrutarse ata o 31 de marzo de 2021.
Comentarios
Publicar un comentario